კომენტარი
როგორც ჩანს, ის ხედავს გარკვეულ საშიშროებას სისტემის სტაბილურობასთან დაკავშირებით - გია ხუხაშვილი ბიძინა ივანიშვილზე
ექსპერტი გია ხუხაშვილი ყოფილი პრემიერის გუშინდელ ინტერვიუს ეხმიანება და აცხადებს, რომ ბიძინა ივანიშვილის ამოცანა არის სისტემის შენარჩუნება, რადგან ის ხედავს გარკვეულ საშიშროებას სისტემის სტაბილურობასთან დაკავშირებით.
მისივე თქმით, ივანიშვილს ინტერვიუში არც ერთ სახელმწიფოებრივ პრობლემაზე არ უსაუბრია.
ხუხაშვილის შეფასებითვე, ბიძინა ივანიშვილმა დაკარგა ლიდერის ფუნქცია.
,,მისი ამოცანა არის სისტემის შენარჩუნება. მას არც ერთ სახელმწიფოებრივ პრობლემაზე არ ულაპარაკია, არანაირ პოზიტიურ დღის წესრიგზე. როგორც ჩანს, ის ხედავს გარკვეულ საშიშროებას სისტემის სტაბილურობასთან დაკავშირებით და ფაქტობრივად მოგვევლინა, როგორც სისტემის ერთი რიგითი ადვოკატი. რამდენად კარგი ადვოკატი იყო სისტემის, ეს უკვე კლიენტის შესაფასებელია. სამწუხაროა, რომ მას უკვე აღარ აინტერესებს ადამიანების პატივისცემა, რაზეც იდგა მთელი მისი წინა ცხოვრება და უფრო პოზიციონირებს, როგორც ძალის ცენტრი და არა როგორც ლიდერი, რომელსაც შეუძლია ქვეყანაში რამე შეცვალოს“, – აღნიშნავს გია ხუხაშვილი.