უკან

უახლესი ამბები

დღის კალენდარი

ანონსები

არქივი

სამართალი

1 აგვისტო, 2018 14:25
font-size

რომ მცოდნოდა, ლიცენზია წართმეული იყო იბერია ტვ-სთვის, ამაში პრინციპულად არ მივიღებდი მონაწილეობას - გრიგოლ გიორგაძე

თბილისის საქალაქო სასამართლოში ტელეკომპანია ,,იბერიას’’ სამაუწყებლო ლიცენზიის იძულებით დათმობის საქმეზე პროცესი დაცვის მხარის მტკიცებულებათა გამოკვლევით განახლდა.

დღევანდელ სხდომაზე დაცვის მხარის მოწმე, გრიგოლ გიორგაძე დაიკითხა, რომელიც ამჟამად საქართველოს ოკუპირებულ ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილეა.

როგორც მოწმემ აღნიშნა, 2012 წელს, როდესაც ჰოლდინგმა ,,ჯორჯიან მედია პროდაქშენ გრუპმა“, რომელშიც ტელეკომპანია ,,იმედი“ შედიოდა, შპს ტელეკომპანია ,,აისის“ 100%-იანი წილის შესყიდვის ხელშეკრულება გააფორმა, ის ,,იმედის“ იურიდიული სამსახურის უფროსი იყო.

გიორგაძის განმარტებით, მისი სამსახურებრივი უფლებამოსილებიდან გამომდინარე, ,,ჯორჯიან მედია პროდაქშენ გრუპის“ ხელმძღვანელის, გიორგი არველაძის მხრიდან სწორედ მას დაევალა აღნიშნული გარიგებისთვის ხელშეკრულების შედგენა.

მოწმის თქმით, ეს იყო ერთ-ერთი გარიგება იმ მრავალ გარიგებას შორის, რომელსაც ტელეკომპანია ,,იმედი“ ახორციელებდა.

როგორც გიორგაძემ აღნიშნა, ის გაეცნო ,,აისის“ მესაკუთრის - იოსებ მგელაძის შესახებ ინფორმაციას და ასევე კომუნიკაციების მარეგულირებელი კომისიიდან ცნობას ,,აისის“ მიერ ლიცენზიის ფლობის შესახებ.

რაც შეეხება საკითხს, ხელშეკრულების გაფორმების პროცესში ცნობილი იყო, თუ არა მისთვის, რომ ,,აისის“ ლიცენზია რეალურად ტელეკომპანია ,,იბერიას“ ლიცენზიას წარმოადგენდა, მოწმე არ ადასტურებს.

მისი თქმით, 2012 წლის 21 თებერვალს, როდესაც ნოტარიუსთან მოხდა გარიგების იურიდიულად გაფორმება, მისთვის უცნობი იყო, რომ ტელეკომპანია ,,აისის“ ლიცენზია, რომლის შესყიდვასაც ,,იმედი“ გეგმავდა, ,,იბერიასთვის“ იყო იძულებით ჩამორთმეული.

მოწმემ დაადასტურა, რომ ის დარწმუნებულია დღეს რომ ლიცენზია ნამდვილად წართმეულია ,,იბერიისთვის“. მისი განცხადებით, ეს რომ 2012 წელს სცოდნოდა, ის ნამდვილად არ მიიღებდა გადაფორმების პროცესში მონაწილეობას. რაც შეეხება ,,ომეგა ჯგუფში“ შემავალ კომპანიებში შეჭრის პერიოდს, გიორგაძის თქმით, 2003 -2004 წლებში იგი სწავლობდა აშშ-ში და დეტალურად არ იცოდა, რა მოხდა მაშინ იბერიასთან დაკავშირებით.

,,როგორც შემდგომ გავიგე, ,,აისის“ ლიცენზია წართმეული ყოფილა ტელეკომპანია ,,იბერიასთვის.“
ახლა არ გავაფორმებდი მსგავს ხელშეკრულებას. ჩემთვის რომ ყოფილიყო ცნობილი, კონკრეტულად ეს ლიცენზია წართმეული იყო, არ გავაფორმებდი. ამაში პრინციპულად არ მივიღებდი მონაწილეობას“, - განაცხადა მოწმემ.

საქმეზე მომდევნო სხდომა თბილისის საქალაქო სასამართლოში 12 სექტემებრს 10:00 საათისთვის ჩაინიშნა. პროცესი დაცვის მხარის მტკიცებულებათა გამოკვლევით განახლდება. სასამართლოზე დასაკითხ პირთა შორის არის ბიზნესმენი ქიბარ ხალვაში.

შეგახსენებთ, რომ პროკურატურამ ტელეკომპანია ,,იბერიის’’ დახურვისა და სამაუწყებლო ლიცენზიის ჩამორთმევის საქმე 2016 წლის თებერვალში გახსნა. უწყების ინფორმაციით, აღნიშნულ ფაქტთან დაკავშირებით ყოფილი გენერალური პროკურორი ზურაბ ადეიშვილი და მისი პირველი მოადგილე გიორგი ლაცაბიძე სისხლის სამართლის პასუხისგებაში მიეცნენ.

ნინო ექვთიმიშვილი

საკვანძო სიტყვები:

დედისა და ბებიის მკვლელობის ბრალდებით დაკავებულ 19 წლის ბიჭს პატიმრობა შეეფარდა

27 თებერვალი, 2020 , 13:10

ბებიისა და დედის მკვლელობაში ბრალდებულ19 წლის მიხეილ ზაუტაშვილს საქალაქო სასამართლომ აღკვეთის ღონისძიებად პატიმრობა შეუფარდა. გადაწყვეტილება მოსამართლე გიორგი კერატიშვილმა გამოაცხადა. დღევანდელ სასამართლო პროცესზე ბრალდე

„ვაჭრობაში ანტიდემპინგური ღონისძიების შემოღების შესახებ“ კანონპროექტზე პირველი მოსმენით მსჯელობა იწყება

27 თებერვალი, 2020 , 11:10

„ვაჭრობაში ანტიდემპინგური ღონისძიების შემოღების შესახებ“ კანონპროექტზე დღეს პირველი მოსმენით დაიწყება მსჯელობა საფინანსო-საბიუჯეტო კომიტეტის სხდომაზე. მთავრობის ინიციატივით წარდგენილი პროექტის მიზანი ადგილობრ

პირადი ცხოვრების საიდუმლოს ხელყოფის, სექსუალური ხასიათის იძულებისა და გამოძალვისთვის ბრალდებულს 5 წლით პატიმრობა მიესაჯა

26 თებერვალი, 2020 , 12:40

პირადი ცხოვრების საიდუმლოს ხელყოფის, სექსუალური ხასიათის იძულებისა და გამოძალვისთვის ბრალდებულს 5 წლით თავისუფლების აღკვეთა მიესაჯა. თბილისის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებუ

პოლიციამ მოპედის ქურდობის ბრალდებით ერთი პირი დააკავა

26 თებერვალი, 2020 , 11:50

შინაგან საქმეთა სამინისტროს თბილისის პოლიციის დეპარტამენტის გლდანი-ნაძალადევის სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 1991 წელს დაბადებული, წარსულში ნასამართლევი თ

ბიუჯეტისთვის ზიანის მიყენების საქმეზე ორი კომპანიის ხელმძღვანელი პირები დააკავეს

26 თებერვალი, 2020 , 11:25

ფინანსთა სამინისტროს საგამოძიებო სამსახურის თანამშრომლებმა, ყალბი საგადასახადო დოკუმენტების დამზადება - გამოყენებისა და ქონების მესაკუთრის მოტყუებით, დიდი ოდენობით ქონებრივი დაზიანების ფაქტზე, ორი კომპანიის ხელმძღვანელი

თბილისის საქალაქო სასამართლო მიხეილ კალანდიას საქმეზე გამოტანილ განაჩენთან დაკავშირებით განცხადებას ავრცელებს

25 თებერვალი, 2020 , 14:54

თბილისის საქალაქო სასამართლო მიხეილ კალანდიას ბრალდების სისხლის სამართლის საქმეზე გამოტანილ განაჩენთან დაკავშირებით განცხადებას ავრცელებს. „2020 წლის 25 თებერვალს, თბილისის საქალაქო სასამართლომ დაასრულა სისხლის სამ

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`