უახლესი ამბები
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
პოლიტიკა
როცა 2006 წელს რუსი ჯაშუშები დავაკავეთ, ეუთოს თავმჯდომარე ჭორაობდა, რომ ვაჭარბებ საფრთხეს და დასავლეთს არასაჭირო კონფლიქტში ვრთავ - მიხეილ სააკაშვილი
საქართველოს ყოფილი პრეზიდენტი და ოდესის ექს-გუბერნატორი მიხეილ სააკაშვილი მიესალმება დასავლეთის მხრიდან რუსი დიპლომატების გაძევების ტენდენციას, რაც უკავშირდება ბრიტანეთის ქალაქ სოლსბერიში ყოფილი რუსი ჯაშუშის სერგეი სკრიპალისა და მისი ქალიშვილი იულიას მოწამვლას.
სააკაშვილის თქმით, დასავლეთი გამოიღვიძე და დაინახა რუსეთის ნამდვილი სახე. პოლიტიკოსი აღნიშნავს, რომ 12 წლის წინ, როცა საქართველოში რუსი ჯაშუშები დააკავეს გორში მომხდარი ტერაქტის გამო, დასავლეთმა საქართველოს მთავრობას გაჩუმებისკენ მოუწოდა.
„რუსი ჯაშუშების გაძევება პრეზიდენტ ტრამპისა და ევროპული ქვეყნების ძალიან მნიშვნელოვანი გაადწყვეტილებაა. დასავლეთი იღვიძებს და ჯობია გვიან, ვიდრე არასდროს.
2006 წელს, მას შემდეგ, რაც დავამტკიცეთ რუსი ГРУ-ის ოფიცრების მონაწილეობა ქალაქ გორში მომხდარ ტერაქტში, სადაც ადგილობრივ პოლიციაში მომხდარი აფეთქების შედეგად 5 ადამიანი დაიღუპა, ჩვენ დავაკავეთ 7 რუსი ოფიცერი, რომლებსაც პირდაპირი კავშირი ჰქონდათ ამ ტრაგედიასთან და სხვა დანაშაულებთან. მაშინ ბევრმა დასავლელმა დიპლომატმა ზედმეტად აგრესიული და არაადეკვატური შემრაცხა. დიდი ზეწოლა მოახდინეს ჩვენზე, ხოლო ეუთოს მაშინდელი თავმჯდომარე, ბელგიის საგარეო საქმეთა მინისტრი დე გიუხტი ჭორაობდა ჟურნალისტებთან, რომ მე ვაჭარბებ საფრთხეს და დასავლეთს არასაჭირო კონფლიქტში ვრთავ. საპსუხოდ პუტინმა დაიწყო ქართველების მასობრივი დაკავება და საქართველოში გაძევება სატვირთო თვითმფრინავებით იმ დროს, როცა დასავლეთი ამას ზერელედ აკვირდებოდა.
ჩემთვის მნიშვნელოვანი იყო, რომ ტრამპის ბრძანებით სიეტლში მთელი საკონსულო დაკეტეს, რომ რუსები არ დარჩენილიყვნენ სამხედრო ობიექტების სიახლოვეს. ჩვენთან რუსი ჯაშუშები საბოლოოდ შეავსეს ჩვენი მოთმინების ფიალა ზუსტად მაშინ, როცა მათ ურცხვად და ღიად დაიწყეს მონაცემების შეგროვება ჩვენი სამხედრიოების გადაადგილებისა და ქართული სამხედრო წარმოების შესახებ.
ახლა ყველაფერი იცვლება და ღმერთს მადლობა, ახლა მიხვდნენ, ვისთან აქვთ საქმე.
პ.ს. რაც შეეხება პოროშენკოს გადაწყვეტილებას სოლიდარობის ნიშნით 13 რუსი დიპლომატის გაძევების შესახებ, ოთხწლიანი ომისა და 10 000 უკრაინელის მკვლელობის შემდეგ ამ ჟესტის გაკეთება თავის მოსაწონებლად უკრაინელ ერს ამცირებს. ჩვენ საქართველოში ეს საკითხი მარტივად მოვაგვარეთ. პუტინის თავდასხმის შემდეგ მალევე საერთოდ დავხურეთ რუსეთის საკონსულო და შევწყვიტეთ დიპლომატიური ურთიერთობები“, - დაწერა სააკაშვილმა ფეისბუკზე.
ბრიტანეთის ქალაქ სოლსბერიში რუსეთის ყოფილი ჯაშუშის, სერგეი სკრიპალისა და მისი ქალიშვილი იულიას მოწამვლის გამო, რომელშიც ლონდონი რუსეთს ადანაშაულებს, რუს დიპლომატებს მსოლიოს 23 ქვეყნიდან გააძევებენ.
აშშ-მ ორშაბათს მიიღო გადაწყვეტილება, რომლის მიხედვით, ქვეყანას 60 რუსი დიპლომატი დატოვებს, მას შეუერთდნენ გერმანია, უკრაინა, დანია, საფრანგეთი, ჩეხეთი, ლატვია, ესტონეთი, ლიტვა, იტალია, კანადა, ჰოლანდია, რუმინეთი, ფინეთი, ესპანეთი და ა.შ.
სკრიპალი და მისი ქალიშვილი 4 მარტს მოწამლეს. გარდა ამისა დაშავდა 20-მდე სამოქალაქო პირი და პოლიციელი. როგორც დადგინდა, სკრიპალის მოსაწამლად რუსეთში გამზადებული ნერვო-პარალეპტიკური გაზი სახელწოდებით ნოვიჩოკი გამოიყენეს.