საზოგადოება

რუსეთი ირანის სამხედრო ბაზას „კონკრეტული შემთხვევის შესაბამისად“გამოიყენებს - ირანის საგარეო საქმეთა მინისტრი

ირანის საგარეო საქმეთა მინისტრის, მოჰამედ ჯავად ზარიფის განცხადებით, გადაწყვეტილება, რომლის მიხედვით რუსეთი ირანის სამხედრო ბაზებს სირიაში ტერორისტებთან ბრძოლის წიანააღმდეგ გამოიყენებს, იქნება მიღებული „კონკრეტული შემთხვევის შესაბამისად“.

ამის შესახებ Reuters წერს.

ამასთან, ზარიფმა ხაზი გაუსვა, რომ ამჟამად რუსეთს ირანში სამხედრო ბაზები არ გააჩნია.

„როდესაც რუსებს ირანული ობიექტების გამოყენება დასჭირდებათ ტერორიზმთან ბრძოლისთვის, გადაწყვეტილებას მივიღებთ“,-განმარტა ზარიფმა.

ამასთან, როგორც მოსკოვში ვიზიტად მყოფმა ირანის პრეზიდენტმა ჰასან როუჰანიმ განაცხადა, რუსეთსა და ირანის თანამშრომლობა მესამე ქვეყნების წინააღმდეგ მიმართული არ არის.

„ჩვენ ტერორიზმთან, საერთაშორისო ტერორიზმთან ბრძოლის, ასევე ნარკოდანაშაულთან ბრძოლის კარგი გამოცდილება გვაქვს. ჩვენი საბოლოო მიზანი- მშვიდობის განმტკიცება და რეგიონში სტაბილურობის შენარჩუნებაა. ჩვენი ურთიერთობის განვითარება მესამე ქვეყნების წინააღმდეგ მიმართული არ არის“,-განაცხადა როუჰანიმ.

მონიკა დავლიანიძე