პოლიტიკა
რუსეთი მზად არის მეზობელ უკრაინასა და საქართველოს წინააღმდეგ სამხედრო ძალა გამოიყენოს - იენს სტოლტენბერგი
ნატო-ს გენერალური მდივნის იენს სტოლტენბერგის განცხადებით, უსაფრთხოების თვალსაზრისით ევროპა დღეს მძიმე ვითარებაში იმყოფება.
ამის შესახებ სტოლტენბერგმა Deutche Welle-ს გადაცემა Conflict Zone-ში განაცხადა.
„ჩვენ ცივი ომის მდგომარეობაში არ ვიმყოფებით. ნაწილობრივ იმიტომ,რომ არ გვავქს ორი ბლოკი, რომელიც ერთმანეთს უპირისპირდება: ვარშავის შეთანხება და ნატო. ვარშავის შეთანხმება აღარ არსებობს, საბჭოთა კავშირიც აღარ არსებობს. თუმცა, ამჟამინდელი ვითარება, უსაფრთხოების სფეროში გამოწვევებთან არის დაკავშირებული. ჩვენ არ გაგვაჩნია პარტნიორობა, რომლის განვითარებას ცივი ომის შემდეგ ვცდილობდით“,-აღნიშნა სტოლტენბერგმა.
მისი თქმით, დღეს ის გაცილებით თავდაჯერებულ რუსეთს ხედავს, რომელმაც სამხედრო ძალა მკვეთრად გაზარდა.
„სწორედ ამიტომ, ცივი ომის დასრულებიდან პირველად, ალიანსმა კოლექტიური უსაფრთხოება გააძლიერა. მან ბალტიასა და პოლონეთში ჯარი განათავსა. ჩვენ, ნატოს სწრაფი რეაგირების ჯარების რიცხოვნობა გავასამმაგეთ, და 40 ათასამდე გავზარდეთ, ასევე ოპერატიული გაერთიანებული ძალების ფორმირება განვახორციელეთ“,-განაცხადა სტოლტენბერგმა.
მისი თქმით, ალიანსს შეუძლია ჯარის განთავსება უმოკლეს დროში, თუმცა მისი მოკავშირე ქვეყნებისთვის გარდაუვალ საშიშროებას ამჟამად ვერ ხედავს.
„მაგრამ ჩვენ ვხედავთ რუსეთს , რომელიც მზად არის სამხედრო ძალა მეზობელ უკრაინასა და საქართველოს წინააღმდეგ გამოიყენოს“,-აღნიშნა ნატოს გენერალურმა მდივანმა.
მონიკა დავლიანიძე