უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
მსოფლიო
რუსეთის მართლმადიდებელმა ეკლესიამ უკრაინის ეკლესიის გამო კონსტანტინოპოლთან ურთიოერთობა გაწყვიტა
რუსეთის მართლმადიდებელმა ეკლესიამ კონსტანტინოპოლის საპატრიარქოსთან ევქარისტული ურთიერთობები გაწყვიტა. აღნიშნული გადაწყვეტილება რუსეთის ეკლესიის სინოდის გუშინდელ სხდომაზე მიიღეს, რომელიც მინსკში გაიმართა.
ურთიერთობის გაწყვეტის მიზეზად მითითებულია „კონსტანტინოპოლის საპატრიარქოს ანტიკანონიკური ქმედებები, რომელიც ურთიერთობაში შევიდა განხეთქილების ჩამომგდებებთან უკრაინაში და ხელყოფს რუსეთის მართლმადიდებელი ეკლესიის კანონიკურ ტერიტორიას“.
რუსეთის საპატრიარქოს გადაწყვეტილებას მხარი დაუჭირეს მოსკოვის დაქვემდებარებაში მყოფი ბელარუსიისა და უკრაინის ეკლესიები.
გაწყვეტა ითვალისწინებს, რომ რუსეთის საპატრიარქოს სამღვდელოება ვეღარ ჩაატარებს საერთო მღვდელმსახურებას კონსტანტინოპოლის საპატრიარქოს ეპისკოპოსებთან. გარდა ამისა, ევქარისტული ურთიერთობების გაწყვეტისას ორივე ეკლესიის მეთაურები წყვეტენ ერთმანეთის ხსენებას ლიტურგიაზე, თუმცა რუსეთის პატრიარქმა კირილემ ეს ოფიციალურ გადაწყვეტილებამდე ერთი თვით ადრე დაიწყო.
რუსეთის მართლმადიდებელმა ეკლესიამ ასევე შეადგინა იმ ტაძრების სია, სადაც აკრძალული იქნება ლოცვა. მოსკოვის საპატრიარქოს საგარეო საეკლესიო ურთიერთობების განყოფილების მდივნის, დეკანოზ იგორ იაკიმჩუკის განცხადებით, კონსტანტინოპოლის საპატრიარქოს ტაძრები ძირითადად მდებარეობენ სტამბულში, ანტალიაში, კრიტსა და როდოსზე. დეკანოზმა აღნიშნა, რომ ამ წესის დარღვევის შემთხვევაში სასულიერო პირებს შესაბამისად დასჯიან, ხოლო მრევლს ამისი მონანიება მოუწევს.
რუსეთის საპატრიარქოს თქმით, რუსეთში მცხოვრები მართლმადიდებლებისთვის დაკეტილი იქნება ათონის მთა, რადგან ის ასევე შედის კონსტანტინოპოლის საპატრიაქროს იურისდიქციაშია. ათონის მთა ერთ-ერთი უმთავრესი მართლმადიდებლური სალოცავი ადგილია, მასში 20 მონასტერი მდებარეობს, სადაც უამრავი მორწმუნე ჩადის ყოველწლიურად, მათ შორის რუსეთიდან. ათონის მთა პოპულარული სალოცავი ადგილია რუსი პოლიტიკოსებისთვის, მაღალჩინოსნებისა და ბიზნესმენებისთვის. რუსეთის პრეზიდენტი ვლადიმერ პუტინი იქ ორჯერ - 2005 და 2016 წლებში იყო ჩასული.
რუსეთის საპატრიარქო პირველად არ წყვეტს ურთიერთობას კონსტანტინოპოლის საპატრიარქოსთან. 1996 წლის თებერვალში პატრიარქმა ბართლომემ განაცხადა, რომ კონსტანტინოპოლის საპატრიარქოს იღებს საკუთარი იურისდიქციის ქვეშ ესტონეთის მართლმადიდებელ ეკლესიას. სამი დღის შემდეგ რუსეთის მართლმადიდებელმა ეკლესიამ გაწყვიტა ევქარისტული ურთიერთობები კონსტანტინოპოლთან, თუმცა რამდენიმე თვეში აღადგინა. ახლა ესტონეთში ორი მართლამდიდებელი ეკლესიაა- ერთი ექვემდებარება კონსტანტინოპოლს, მეორე - მოსკოვს.
მორიგი კონფლიქტი კონსტანტინიპოლსა და მოსკოვს შორის დაიწყო უკრაინის ეკლესიის გამო.
ხუთშაბათს, კონსტანტინოპოლის საპატრიარქოს სინოდმა განხეთქილებაში მყოფ უკრაინის მართლმადიდებელი ეკლესიის კიევის საპატრიარქოს მეთაურს, ფილარეტ დენისენკოს და მთავარეპისკოპოს მაკარი მალეტიჩს, უკრაინის ეკლესიისთვის ავტოკეფალიის მინიჭების მიზნით, ანათემა მოუხსნა.