უკან

უახლესი ამბები

დღის კალენდარი

ანონსები

არქივი

მსოფლიო

27 ნოემბერი, 2017 13:00
font-size

რუსეთის მთავრობაში გვითხრეს, რომ რადიოაქტიური ელემენტის რუტენიუმ 106-ის გაჟონვაზე არ იციან - საფრანგეთის ბირთვული და რადიაციული უსაფრთხოების ინსტიტუტი

რუსეთში ურალის მთების სამხრეთით რადიოაქტიურმა ელემენტმა რუთენიუმ-106-მა გაჟონა. საფრთხე აღმოაჩინა რუსეთის ჰიდრომეტეოროლოგიისა და გარემოს მონიტორინგის ფედერალურმა სამსახურმა და ეკოლოგებმა.

განგაში ატყდა თითქმის 2 თვის დაგვიანებით. რუსეთის ჰიდრომეტეოროლოგიისა და გარემოს მონიტორინგის ფედერალურმა სამსახურმა განაცხადა, რომ სექტემბერის ბოლოს-ოქტომბრის დასაწყისში სამხრეთ ურალის ტერიტორიაზე დაფიქსირდა ბეტა-აქტივობის გადამეტება, ასევე აღმოაჩინეს რუთენიუმ-106-ის იზოტოპი. აღნიშნული რადიოაქტიური ელემენტის დაშლის პროდუქტი დაფიქსირდა თათრეთის რესპუბლიკასა და ევროპაში.

რუსეთის სახელმწიფო კორპორაცია როსატომი და მის სტრუქტურაში შემავალი საწარმო „მაიაკი“, რომელიც ჩელიაბინსკის ოლქში მდებარეობს, მათ კავშირს მომხდართან უარყოფენ.

„არანაირი ინციდენტი ან ავარია რუსეთის ფედერაციის ატომური წარმოების ობიექტებში არ მომხდარა“, - უთხრა რია ნოვოსტის როსატომის ხელმძღვანელობამ.

„რუსეთის ჰიდრომეტეოროლოგიისა და გარემოს მონიტორინგის ფედერალური სამსახურის მიერ დასახელებული მონაცემები რუთენიუმ-106-ის იზოტოპის მიერ დაბინძურების შესახებ იმ დასკვნის გაკეთების შესაძლებლობას იძლევა, რომ ადამიანის მიერ მიღებული შესაძლო დოზა 20 000-ჯერ ნაკლებია წლიურ დასაშვებ დოზაზე და ადამიანის სიცოცხლესა და ჯანმრთელობისთვის არანაირ საფრთხეს არ წარმოადგენს“, - წერია მაიაკის განცხადებაში.

მანამდე ნოემბრის დასაწყისსი აღმოჩენილ საფრთხეზე გაამახვილა ყურადღება საფრანგეთის ბირთვულმა და რადიაციული უსაფრთხოების ინსტიტუტმა (IRSN). მისი ინფორმაციით, რადიოაქტიური ღრუბელი ევროპის თავზე გაჩნდა, რაც მიუთითებდა ავარიაზე რუსეთის რომელიმე ბირთვულ ობიექტზე, სავარაუდოდ მდინარე ვოლგასა და ურალის მთებს შორის. IRSN-ის შეფასებით, ატმოსფეროში მოხვედრილი რუთენიუმ-106-ის ოდენობა 100-დან 300-ს ტერაბეკერელამდე მერყეობდა. როგორც ინსტიტუტის დირექტორმა ჟან-მარკ პერესმა როიტერსის რუსულ ბიუროს განუცხადა, რუსეთის მთავრობამ არაფერი არ იცოდა მომხდარის შესახებ.

„რუსეთის მთავრობამ თქვა, რომ მათ ტერიტორიაზე მომხდარი ავარიის შესახებ არ იციან“, -თქვა პერესმა და დაამატა, რომ ინსტიტუტი ჯერ არ დაკავშირებია ყაზახეთს, რომლის ტერიტორიაზე მდებარე რომელიმე ბირთვულ ობიექტში შესაძლოა, მომხდარიყო გაჟონვა.

IRSN-ის შეფასებით, მსგავსი მასშტაბის ავარია საფრანგეთში რომ მომხდარიყო, მოსახლეობის ევაკუაცია გახდებოდა საჭირო.

ანა მებურიშვილი

თამარ ბერუჩაშვილმა ბრიტანეთის ბიზნეს წრეების წარმომადგენლებს საქართველოს ეკონომიკური პოტენციალი გააცნო

21 თებერვალი, 2019 , 15:50

საქართველოს საგანგებო და სრულუფლებიანმა ელჩმა თამარ ბერუჩაშვილმა ბრიტანულ ორგანიზაციაში British Expertise International ადგილობრივი ბიზნესის წარმომადგენლებისა და ინვესტორებისთვის საქართველოს ღია ეკონომიკის, ბიზნესისთვის

საქართველოდან ისრაელში თავშესაფრის მაძიებელთა რიცხვი 70 პროცენტით შემცირდა

18 თებერვალი, 2019 , 16:00

საქართველოდან ისრაელში თავშესაფრის მაძიებელთა რიცხვი 70 პროცენტით შემცირდა. - წერს პირველი არხი გამოცემა „ჰაარეცის“ (Haaretz) სტატიაზე დაყრდნობით. ისრაელის მოსახლეობისა და იმიგრაციის სამსახურის ცნობით, 2017 წ

დონალდ ტრამპმა საგანგებო მდგომარეობა გამოაცხადა

16 თებერვალი, 2019 , 12:35

ამერიკის შეერთებული შტატების პრეზიდენტმა, დონალდ ტრამპმა ქვეყნის სამხრეთში საგანგებო მდგომარეობა გამოაცხადა. თეთრი სახლის ლიდერის გადაწყვეტილების მიზანი ამერიკის შეერთებული შტატების და მექსიკის საზღვარზე ფიზიკური ბარიერი

იაპონიაში, „საკურას“ კონკურსზე 24-მა ქართულმა ღვინომ უმაღლესი ჯილდოები მიიღო

14 თებერვალი, 2019 , 11:35

სხვადასხვა დასახელების ქართულმა ღვინომ იაპონიაში, საერთაშორისო კონკურსზე „საკურა“ უმაღლესი ჯილდოები მოიპოვა: 2 ორმაგი ოქრო, 15 ოქრო და 7 ვერცხლის მედალი. საერთაშორისო კონკურსი „საკურა“ (The 6rd &l

იტალიაში საქართველოს მოქალაქე დააკავეს

13 თებერვალი, 2019 , 15:40

იტალიაში იარაღის უკანონო ტარებისა და პოლიციისთვის წინააღმდეგობის გაწევისთვის საქართველოს მოქალაქე დააკავეს. - ამის შესახე იტალიური მედიის ინფორმაციაზე დაყრდნობით „პირველი არხი“ იტყობინება. 21 წლის მამაკაცი კა

ალკოჰოლური ინტოქსიკაცით 39 ადამიანი დაიღუპა

9 თებერვალი, 2019 , 17:13

ინდოეთში ალკოჰოლური ინტოქსიკაციით 39 ადამიანი დაიღუპა. ამის შესახებ ადგილობრივი მედია იუწყება. ალკოჰოლით მოწამვლის შემთხვევები ქვეყნის ჩრდილოეთში, უტარ-პრაშედის და უტარაკჰანდის შტატებში დაფიქსირდა. ადგილობრივი ხელისუფლებ