უკან

უახლესი ამბები

დღის კალენდარი

ანონსები

არქივი

საზოგადოება

6 სექტემბერი, 2018 15:59
font-size

რუსეთის პრეზიდენტის ფონდით დაფინანსებული მედიაფორუმი რუსეთის რბილი ძალის დემონსტრირების კიდევ ერთი მცდელობაა - არასამთავრობოები

16 არასამთავრობო ორგანიზაციის შეფასებით, თბილისში მიმდინარე რუსეთის პრეზიდენტის ფონდიდან დაფინანსებული მედიაფორუმი წარმოადგენს რუსეთის რბილი ძალის დემონსტრირების კიდევ ერთ მცდელობას და შესაბამისად, საზიანოა საქართველოს ინტერესებისათვის.

მესამე სექტორის განცხადებით, რუსეთი საქართველოში საკუთარი მიზნების მისაღწევად აქტიურად იყენებს „რბილ ძალას“ მედიაპროპაგანდის, არასამთავრობოებისა და ფონდების სახით, რომლებიც ავრცელებენ პრორუსულ და ანტიდასავლურ განწყობებს.

არასამთავრობოები მოუწოდებენ ხელისუფლებას, შეიმუშავოს სტრატეგია რუსული საინფორმაციო ომის წინააღმდეგ და ამ სტრატეგიის აღსრულების შესაბამისი ინსტიტუციური და სამართლებრივი ქმედითი მექანიზმი.

„საქართველო არაერთხელ გამხდარა რუსეთის აგრესიული ნაბიჯების სამიზნე, რომელთა შედეგად რუსეთის მიერ ოკუპირებულია ქვეყნის ტერიტორიის ერთი მეხუთედი. ამასთან ერთად, რუსეთის ფედერაცია საქართველოში საკუთარი სტრატეგიული ამოცანების მისაღწევად აქტიურად იყენებს “რბილ ძალას”, რაც აგრესიულ მედიაპროპაგანდაში, არასამთავრობო ორგანიზაციებისა და ფონდების დაფუძნებასა და სხვადასხვა სახის ფორუმების ორგანიზებაში გამოიხატება. ამ აქტივობების ერთ-ერთი მთავარი მიზანი საზოგადოებაში ანტიდასავლური განწყობების გაძლიერება და საქართველოს მოსახლეობის კიდევ უფრო მეტად პოლარიზებაა.

2018 წლის 5-7 სექტემბერს თბილისში იმართება სამხრეთ კავკასიის ფორუმი, სახელწოდებით „მედიის როლი რეგიონში ნდობის აღდგენის საქმეში“, რომელიც რუსეთის პრეზიდენტის საგრანტო ფონდიდან ფინანსდება. ფორუმში მონაწილე რუსი ჟურნალისტები და არასამთავრობო ორგანიზაციების წარმომადგენლები რუსეთის სახელმწიფოს პოლიტიკის მხარდამჭერები არიან.

ქართული მხრიდან ღონისძიების ორგანიზატორი გაზეთი „საქართველო და მსოფლიოა“. მისი დამფუძნებელი ალექსანდრე ჭაჭია რუსეთში მოღვაწე ქართველი ბიზნესმენი და ვლადიმერ პუტინთან დაახლოებული პირია. ის 2014 წელს პუტინმა ღირსების ორდენით დააჯილდოვა. „სტუდია მონიტორის“ ინფორმაციით, რუსული ინტერესების გასატარებლად ჭაჭიას სამეგრელოში დაარსებული აქვს ადგილობრივი არასამთავრობო ორგანიზაცია „სამეგრელო“ და გაზეთი „ილორი“, რომელსაც უფასოდ ავრცელებს მოსახლეობაში. გაზეთი „საქართველო და მსოფლიო“ და მისი ინტერნეტგამოცემა Gეწორლდ.გე გამოირჩევა აქტიური პრორუსული და ანტიდასავლური განწყობებით.

მიგვაჩნია, რომ აღნიშნული ფორუმი, მასში მონაწილე რუსი ე.წ. ექსპერტების წარსული ქმედებებისა და გამონათქვამების გათვალისწინებით, რუსეთის რბილი ძალის დემონსტრირების კიდევ ერთი მცდელობაა და შესაბამისად, საზიანოა საქართველოს ინტერესებისათვის.

მნიშვნელოვანია, რომ მსგავსი შეკრება საქართველოში პირველად არ ტარდება. თუკი 2013-2014 წლებში ის მხოლოდ რუსულ-ქართული მედიაფორუმი იყო, შემდგომ წლებში ფორუმის შემადგენლობა გაფართოვდა და უკვე კავკასიის რეგიონის სხვა სახელმწიფოების წარმომადგენლებიც ჩართეს.

2012 წლიდან გააქტიურდნენ რუსული ფონდები საქართველოში, მათ შორის ერთ-ერთია “პრიმაკოვის ცენტრი”, რომლის დამაარსებელიც რუსეთის საგარეო საქმეთა სამინისტროს მიერ შემქნილი გორჩაკოვის ფონდია. ამ ცენტრის დირექტორი დიმიტრი ლორთქიფანიძეა, რომელიც ქართული მარშის ერთ-ერთი ლიდერია.

აღსანიშნავია, რომ პრობლემის არსებობას საქართველოს სახელმწიფო უსაფრთხოების სამსახურის (სუსი) 2017 წლის ანგარიშიც ადასტურებს. ანგარიშის მიხედვით, საკუთარი ამოცანების შესასრულებლად, სხვადასხვა ქვეყნის სპეცსამსახურები კვლავ აქტიურად იყენებენ „ჰიბრიდული ომის“ ტაქტიკას და ასევე, მათი ერთ-ერთი ძირითადი ამოცანა ქართულ საზოგადოებაში ანტიდასავლური განწყობების გაღვივებაა.

ერთმნიშვნელოვნად დადებითი ფაქტია, რომ აღნიშნული მედიაფორუმის ოთხი მონაწილე საქართველოში ოკუპირებული ტერიტორიების შესახებ კანონის დარღვევის გამო არ შემოუშვეს, თუმცა ეს მაინც ერთჯერადი აქტია.

ჩვენი შეფასებით, სახეზეა სისტემური მიდგომის არარსებობა. სამწუხაროა, რომ არ არსებობს სტრატეგია და სამოქმედო გეგმა, თუ როგორ უნდა დაუპირისპირდეს საქართველოს სახელმწიფო და საზოგადოება რუსული ჰიბრიდული ომით გამოწვეულ საფრთხეებს.

აუცილებელია სახელმწიფოს ჰქონდეს მწყობრი, მკაფიო სტრატეგია რუსული საინფორმაციო ომის წინააღმდეგ და ამ სტრატეგიის აღსრულების შესაბამისი ინსტიტუციური და სამართლებრივი ქმედითი მექანიზმი. ასევე აუცილებელია ოკუპირებული ტერიტორიების შესახებ კანონის ზედმიწევნით აღსრულების ეფექტური მექანიზმები.

ამ მიმართულებით, პირველი რიგის ამოცანად მიგვაჩნია, რომ ხელისუფლებამ რეალურად განახორციელოს და გაამკაცროს კონტროლი ამ და მსგავსი ღონისძიებების დაფინანსების წარმომავლობაზე. ასევე დაინტერესდეს იმ ადამიანების/ორგანიზაციების ვინაობით, ვინც ხელს უწყობს საქართველოში რუსული რბილი ძალის აქტივობას, მიაკვლიოს მათი დაფინანსების წყაროებს და აღკვეთოს საქართველოს ეროვნული ინტერესების წინააღმდეგ მიმართული რუსეთის სასარგებლო საქმიანობა“, - წერია განცხადებაში, რომელსაც ხელს აწერენ შემდეგი არასამთავრობოები: საერთაშორისო გამჭვირვალობა-საქართველო, საქართველოს ატლანტიკური საბჭო, სამართლიანი არჩევნებისა და დემოკარატიის საერთაშორისო საზოგადოება, ეკონომიკური პოლიტიკის კვლევის ცენტრი, ინფორმაციის თავისუფლების განვითარების ინსტიტუტი, საქართველოს დემოკრატიული ინიციატივა, საქართველოს ფერმერთა ასოციაცია, მწვანე ალტერნატივა, საქართველოს პოლიტიკის ინსტიტუტი, სამოქალაქო განვითარების სააგენტო, მედიის განვითარების ფონდი, საზოგადოება და ბანკები, საქართველოს გაეროს ასოციაცია, კვლევითი ჟურნალისტიკისა და ადვოკატირების ცენტრი, საქართველოს რეფორმების ასოციაცია და ღია საზოგადოების ფონდი.

თურქეთი და საქართველო: მდგრადი პარტნიორობა და სოლიდარობა ომის, გადატრიალების მცდელობის და პანდემიის დროს - ფატმა ჯერენ იაზგანი

14 ივლისი, 2020 , 14:21

Covid-19- ის პანდემია და მისგან გამოწვეული გლობალური საგანგებო გარემოებები გარკვეული თვალსაზრისით გამძლეობის ტესტი აღმოჩნდა მთავრობებისა და ერებისათვის. სოლიდარობის, კეთილმეზობლური ურთიერთობის და პარტნიორობის მნიშვნელობა

შაქარაშვილის საქმის არასწორად წარმართვის გამო დაუყონებლივ უნდა დადგეს შს მინისტრისა და მთავარი პროკურორის პოლიტიკური პასუხისმგებლობის საკითხი - “ლელო საქართველოსთვის”

14 ივლისი, 2020 , 13:16

პოლიტიკური გაერთიანება "ლელო საქართველოსთვის" ლიდერებს კახა კოჟორიძესა და გრიგოლ გეგელიას მიაჩნიათ, რომ გიორგი შაქარაშვილის საქმეზე იწურება ყოველგვარი გონივრული ვადები დაგროვილ კითხვებზე დამაჯერებელი პასუხების მოსასმენად

საქართველოს ტექნიკური უნივერსიტეტი ფრანგ ხალხს ეროვნულ დღესასწაულს ულოცავს

14 ივლისი, 2020 , 12:52

საქართველოს ტექნიკური უნივერსიტეტის რექტორი, პროფესორი დავით გურგენიძე, უნივერსიტეტის სახელით, ფრანგ ხალხსა და საფრანგეთის საგანგებო და სრულუფლებიან ელჩს საქართველოში დიეგო კოლასს საფრანგეთის დამოუკიდებლობის დღეს ულოცავს

სიგარეტია ე შობელძაღლი, ტანკი ხო არაა – რას ითხოვს გოგი წულაია

14 ივლისი, 2020 , 12:07

გადადგით ნაბიჯი რომ საქართველოში რაღაცის გამოშვება მაინც დაიწყონ – ამის შესახებ პარტია თავისუფალი საქართველოს იმერეთის ბიუროს ხელმძღვანელმა გოგი წულაიამ ქუთაისში, პარლამენტის შენობასთან გამართულ ბრიფინგზე განაცხადა

კორონავირუსით ინფიცირების ოთხივე ახალი შემთხვევა იმპორტირებულია - მარინა ეზუგბაია

14 ივლისი, 2020 , 11:41

ინფექციური საავადმყოფოს სამედიცინო დირექტორის, მარინა ეზუგბაიას ინფორმაციით, კორონავირუსით ინფიცირების ოთხივე ახალი შემთხვევა იმპორტირებულია. “დაგვემატა ოთხი ახალი დადასტურებული შემთხვევა, გამოჯანმრთელებულების რიცხ

ცოტნე გამსახურდია თურქეთიდან გერმანიაში გადაიყვანეს

14 ივლისი, 2020 , 11:17

ცოტნე გამსახურდიას მკურნალობა გერმანიის ერთ-ერთ წამყვან კლინიკაში უტარდება. ამის შესახებ საქართველოს პირველი პრეზიდენტის ზვიად გამსახურდიას შვილი, გიორგი გამსახურდია „ტვიტერზე“ წერს. “ცოტნეს მკურნალობის

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე