უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
მსოფლიო
რუსეთის პროკურატურა შაქრო კალაშოვისთვის 10-წლიანი თავისუფლების აღკვეთას ითხოვს
რუსეთის პროკურატურამ მიმართა სასამართლოს, კანონიერ ქურდს შაქრო კალაშოვს (იმავე შაქრო „მალადოის“) 10 წლით თავისუფლების აღკვეთა მიუსაჯოს.
ბრალდების მხარემ ასევე მოითხოვა კრიმინალური ავტორიტეტისთვის 700 000 რუბლის ჯარიმის დაწესება.
შაქრო კალაშოვის კრიმინალური ბანდის საქმეს მოსკოვის ნიკულინის სასამართლოში განიხილავენ. ბრალდების მტკიცებით, სასამართლოს გზით სრულიადაა დამტკიცებული კალაშოვისა და მისი 12 თანამზრახველის დანაშაულებები. კალაშოვის დაჯგუფება ქონების ჩამორთმევითა და გამოძალვით იყო დაკავებული.
ბრალდების მხარემ შაქროს ჯგუფის თითოეული წევრისთვის 7.5-დან 9.6 წლამდე თავისუფლების აღკვეთა მოითხოვა მკაცრი რეჟიმის კოლონიაში, ასევე 300-700 000-რუბლიანი ჯარიმების დაკისრება.
საბრალდებო დასკვნის თანახმად, საქმეში გამოძალვის ორი ეპიზოდია, კერძოდ, რესტორან Elements-ის მფლობელ ჟანა კიმისგან 8 მილიონი რუბლის გამოძალვა და ბიზნესმენ ლევ გარამოვისგან 10 მილიონი რუბლის გამოძალვა.
კალაშოვი ჟანა კიმისთვის ფულის გამოძალვის ბრალდებით 2016 წლის 13 ივლისს დააპატიმრეს. 2015 წლის დეკემბერში „საქმის გარჩევის“ დროს ჟანა კიმის რესტორანთან სროლა მოხდა, რასაც ორი ადამიანი ემსხვერპლა.
პროკურატურის ინფორმაციით, კალაშოვი დანაშაულებრივი ჯგუფის მეთაური 2013 წელს, ასლან უსოიანის, იგივე „კანონიერი ქურდის“ „დედ ჰასანის“ გარდაცვალების შემდეგ გახდა. შაქრო „მალადოი“ ხელმძღვანელობას უწევდა დანაშაულებრივ დაჯგუფებას. ბრალდების მხარის ინფორმაციით, შაქრო კალაშოვი ასევე ფლობდა „ქურდულ საერთოს“, სადაც დაჯგუფების წევრები ფულს რიცხავდნენ.