უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
რუსეთის უმაღლეს სასწავლებლებში ქართველი სტუდენტების რაოდენობა მატულობს - გრიგორი კარასინი
რუსეთის საგარეო საქმეთა მინისტრის მოადგილე გრიგორი კარასინი, საქართველოს პრემიერ-მინისტრის სპეციალურ წარმომადეგნელთან რუსეთთან ურთეირთობის საკითხში- ზურაბ აბაშიძესთან მოლაპარაკების პრაღის ფორმატს, დადებითად აფასებს.
ამის შესახებ კარასინმა Известия - თვის მიცემულ ინტერვიუში განაცხადა.
მისი თქმით, დიპლომატიური ურთიერთობების არარსებობის პირობებში, საქართველოს პრემიერ-მინისტრის სპეციალურ წარმომადგენელთან შეხვედრა რუსეთ-საქართველოს დიალოგში უმნიშვნელოვანესი სახელმწიფოთაშორისი არხია.
„გამომდინარე იქიდან, რომ ჩვენ რუსეთ-საქართველოს ურთიერთობის ნორმალიზების მომხრე ვიყავით, 2012 წელს თბილისიდან წამოსულ პოზიტიურ სიგნალს, ამ ფორმატის შექმნის შესახებ, მაშინვე გამოვეხმაურეთ.
დაწყებული არაფორმალური დიალოგის მეშვეობით, ორივე მხარის ძალისხმევით, მოხერხდა სავაჭრო-ეკონომიკური, სატრანსპორტო და ჰუმანიტარულ სფეროებში პოზიტიური შედეგის მიღწევა. გასულ წელს ტვირთბრუნვამ 707 მილიონ დოლარს გადააჭარბა. დღეს, რუსეთი საქართველოს უმნიშვნელოვანესი სავაჭრო პარტნიორების სამეულში შედის. რუსეთი საქართველოს მიერ ექსპორტირებული ღვინის ნახევარზე მეტს ყიდულობს, ასვეე მანდარინის მოსავლის მეოთხედს.
სწორედ რუსეთიდან შედის საქართველოში ფულადი გზავნილების უდიდესი ნაწილი, და ეს ციფრი წელიწადში 400 მილიონი დოლარია. ასევე, რეგულარულად სრულდება ავიარეისები რიგი ქალაქებიდან საქართველოს მიმართულებით. მოქმედებს, 20-ზე მეტი საერთაშორისო ავტობუსების მარშრუტი. ასევე, აქტივიზირებულია კონტაქტები მეცნიერებს, ბიზნესმენებსა და ახალგაზრდებს შორის. რუსეთის უმაღლესებში ქართველი სტუდენტების რაოდენობა მატულობს“,-აღნიშნა კარასინმა.
მისი თქმით, ზურაბ აბაშიძესთან მომდევნო შეხვედრის დღის წესრიგი საკმაოდ ფართოა.
დიპლომატი იმედს გამოთქვამს, რომ შეხვედრა საქმიან ვითარებაში ჩაივლის.
პრაღაში, ზურაბ აბაშიძისა და გრიგორი კარასინის შეხვედრა ივლისის დასაწყისში შედგება.
მონიკა დავლიანიძ