საზოგადოება

რუსეთმა დახმარების მზაობა გამოთქვა, თუმცა არსებული დახმარების პირობებში მათი დახმარება საჭირო არ გახდა- გიორგი კვირიკაშვილი

საქართველოს პრემიერ-მინისტრის განცხადებით, ბორჯომის პარკში გაჩენილი ხანძრის ჩაქრობაში მონაწილოების მიღების სურვილი რუსულმა მხარემ გამოთქვა.

როგორც გიორგი კვირიკაშვილმა მედიას განუცხადა, ხანძრის ჩაქრობის სამუშაოებში ჩართვის სურვილი სომხეთმაც გამოთქვა.

„რამდენადაც ჩემთვის არის ცნობილი რუსულმა მხარემ გამოთქვა მზადყოფნა, უბრალოდ, არსებული დახმარების პირობებში არ გახდა საჭირო ეს დახმარება. სომხეთმა მიიღო გადაწყვეტილება და სახანძრო ეკიპაჟები უკვე საქართველოსკენ მოემართებიან“,- აღნიშნა პრემიერმა.

მისივე თქმით, მიუხედავად იმისა, რომ თურქეთს თავად აქვს ხანძართან დაკავშირებული პრობლემები, მათ მაინც მიიღეს გადაწყვეტილება, და ორი ვერტმფრენი ბათუმშია და მალე ჩაერთვება სახანძრო ოპერაციაში.