კომენტარი

რუსეთმა როგორც ჩანს, გადაწყვიტა გადავიდეს შეტევაზე - ამჯერად მოთაფვლის პოლიტიკის გატარებით - სალომე სამადაშვილი

ნაციონალურ მოძრაობის წევრი, სალომე სამადაშვილი "მოთაფვლის" პოლიტიკად აფასებს რუსეთის საგარეო საქმეთა სამინისტროს განცხადებას, სადაც ნათქვამია, რომ საქართველოში საპარლამენტო არჩევნების შემდეგ ისინი მზად არიან თანამშრომლობის გაღრმავებისთვის.

"როგორც ჩანს რუსეთის ხელისუფლება ძალიან კმაყოფილია არჩევნების შედეგებით იმიტომ, რომ ხელისუფლებაში დარჩა პოლიტიკური ძალა, რომლისთვისაც დასავლური ორიენტაცია არის დეკლარაცია და რეალურად არაფერს აკეთებს იმისთვის, რომ მოხდეს ამ ქვეყნის ეკონომიკური და სხვა სახის ინტეგრაცია ევროატლანტიკურ სივრცეში. რუსეთმა როგორც ჩანს გადაწყვიტა, გადავიდეს შეტევაზე - ამჯერად მოთაფვლის პოლიტიკის გატარებით და შეეცადოს დაგვარწმუნოს იმაში, რომ რუსეთს უფრო მეტი შეუძლია შესთავაზოს საქართველოს ვიდრე დასავლეთმა,"- განაცხადა სალომე სამადაშვილმა.

ნინო ექვთიმიშვილი