მსოფლიო

რუსეთმა, შესაძლოა პალესტინას ნავთობი მიაწოდოს

რუსეთში პალესტინის ელჩის, აბდელ ხაფეზ ნოფალის განცხადებით, პალესტინა რუსეთთან ნავთობისა და ნავთობროდუქტების მიწოდებასთან დაკავშირებით მოლაპარაკებას მართავს.

ამის შესახებ რუსული მედია იტყობინება.

„პალესტინაში რუსული ნავთობისა და ნავთობქიმიური პროდუქტების მიწოდებასთან დაკავშირებით პროექტებზე ვმუშაობთ, რომელიც ისრაელის ნავთობს ჩაანაცვლებს. რუსეთში პრეზიდენტ აბასის ვიზიტის დროს, მივმართეთ აღნიშნული თხოვნით, და საკითხზე რაღაც შეთანხმებები უკვე არსებობს.

ვიმედოვნებთ, რომ მალე მნიშვნელოვან შედეგს დავინახავთ, ამას პოზიტიურად ვუყურებ“,-განაცხადა ნოფალმა.

მანვე აღნიშნა, რომ რუსეთსა და პალესტინას შორის არსებული „ კეთილი და ისტორიულად თბილი ურთიერთობა“ ვიწრო ეკონომიკურ ურთიერთქმედებაშიც უნდა აისახოს.

მონიკა დავლიანიძე