საზოგადოება

რუსთავი 2-ის საქმე პოლიტიკური არ არის- ემზარ კვიციანი

პარლამენტის წევრის ემზარ კვიციანის მიიჩნევს, რომ ტელეკომპანია რუსთავი2-ის საქმე პოლიტიკური არ არის.

მისი თქმით, რუსთავი2 ტენდენციური ტელეარხია და ხელმძღვანელის შეცვლის შემდეგაც ის მუშაობას მაინც გააგრძელებს.

ამის შესახებ კვიციანმა პრესკონფერენციაზე განაცხადა.

„მიუხედავად იმის, რომ ქიბარ ხალვაშის მიმართ მაქვს უარყოფითი დამოკიდებულება იმის გამო, რომ მის სახლში დაიგეგმა კოდორის ხეობის დაკარგვის გეგმა, ვთვლი, რომ რუსთავი 2-ის საქმე პოლიტიკური არ არის. ეს ტელევიზია ისედაც ტენდენციურია და ხელმძღვანელობის შეცვლის შემდეგ ისევ გააგრძელებს მუშაობას, ტელეკომპანიას არავინ ეხება“, – აღნიშნა დეპუტატმა.

მონიკა დავლიანიძე