უკან
საზოგადოება
19 აგვისტო, 2019 10:59
რუსთავი-თბილისის მიმართულებით მიკროავტობუსით მგზავრობის საფასური გაიზარდა
რუსთავი - თბილისის მიმართულებით, მიკროავტობუსით მგზავრობის საფასური 11 მარშრუტიდან 6 მარშრუტზე, დღეიდან 30 თეთრით გაიზარდა და 1,80 ლარი გახდა.
გაზრდილი მგზავრობის საფასურის გადახდა მგზავრებს შემდეგ მარშრუტებზე მოუწევთ: რუსთავი-თოდრიას მოედანი-დიდუბე; რუსთავი-რკინიგზის სადგური-თბილისი-თორნიკე ერისთავის ქუჩა; რუსთავი-ძველი ბაზარი - „თბილისი ცენტრალი“; რუსთავი-12 მკ/რ-ი-სადგურის მოედანი; რუსთავი-ძველი ავტოსადგური-ვარკეთილი, რუსთავი-ფიროსმანის ქუჩა - სპორტის სასახლე.
მგზავრობის საფასური იგივე დარჩა და არ გაზრდილა: რუსთავი-ძველი ბაზარი-მოსკოვის გამზირი; რუსთავი-ძველი ბაზარი-„ისთ ფოინთი“; რუსთავი-შარტავას გამზირი-ლილო; რუსთავი-მეტალურგიული ქარხანა- გლდანი; რუსთავი-მე-19-ე მკ/რ-თბილისის სახელმწიფო უნივერსიტეტის მაღლივი კორპუსი.