საზოგადოება

რუსთავი-წითელი ხიდის დამაკავშირებელ ავტომაგისტრალზე BMW-ს მარკის ჯიპს ცეცხლი გაუჩნდა

რუსთავი-წითელი ხიდის დამაკავშირებელ ავტომაგისტრალზე BMW-X5- მარკის ჯიპს ცეცხლი გაუჩნდა.

რუსთავის მერიის პრესსამსახურის წარმომადგენლის ირაკლი დანელიას ინფორმაციით, ჯიპი, რომელიც იალღუჯის მიმდებარე ტერიტორიიდან ევაკუატორს რუსთავის მიმართულებით გადაჰყავდა, მოულოდნელად ცეცხლი გაუჩნდა, აალდა და მთლიანად დაიწვა. შემთხვევა გუშინ საღამოს მოხდა.

წინასწარი ინფორმაციით, ავტომობილს ცეცხლი ელექტროობისგან გაუჩნდა.

ადგილზე მობილიზებული იყო საპატრულო და სახანძრო ეკიპაჟები, მათ ცეცხლის ლოკალიზება დროულად შეძლეს. შემთხვევის შედეგად არავინ დაშავებულა.