უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
არქივი
საზოგადოება
რუსთავის მერს უჩა მამაცაშვილის ახლო ნათესავი ფიზიკურად გაუსწორდაო
რუსთავის მერის საეჭვო შვებულება, რომელიც კითხვებს აჩენს - ოპოზიციის ინფორმაციით, ქალაქის მერს ირაკლი ტაბაღუას დაახლოებით ერთი თვის წინ, ბიძინა ივანიშვილის დეიდაშვილის უჩა მამაცაშვილის ახლო ნათესავი კობა კოკოლაშვილი ფიზიკურად გაუსწორდა. მიღებული დაზიანებების გამო კი მერი კლინიკაშიც იწვა.
"ეს ისევ უკავშირდება არჩევნებს და იქ ძალაუფლების გადანაწილებას, დაუპირისპირდნენ რუსთავის მერს და ფაქტიურად ფიზიკურად გაუსწორდნენ. ერ მოხდა დაახლოებით ერთი თვის წინ, ძალიან ბევრი ქართული ოცნების აქტივისტი და სხვათაშორის ჩინოვნიკიც ადასტურებს ამ ყველაფერს,"-აცხადებს ”ერთიანი ნაციონალური მოძრაობის” პოლიტიკური საბჭოს წევრი, თელავის რაიონული ორგანიზაციის თავმჯდომარე, გიორგი ბოტკოველი.
საავადმყოფოში მკურნალობას ადასტურებს, ირაკლი ტაბაღუაც, თუმცა ქალაქის მერის განმარტებით იგი ბიულეტენზე სულ სხვა მიზეზით იყო და არანაირი დაპირისპირება არ ჰქონია უჩა მამაცაშვილის ნათესავთან.
"ჩემი ავადმყოფობა ამ პერიოდს არ დამთხვევია, შეგვიძლია ვნახოთ როდის ვიყავი ბიულეტინზე,"-აცხადებს ირაკლი ტაბაღუა.
თავად კობა კოკოლაშვილი კომენტარისაგან თავს იკავებს.
წყარო: რუსთავი2