საზოგადოება

რუსთავში დედამ, შვილმა და რძალმა ნარკოტიკული საშუალებით ინტოქსიკაცია მიიღეს (ვიდეო)

რუსთავში, რუსთაველის ქუჩაზე მცხოვრებმა სამმა მოქალაქემ ნარკოტიკებით ინტოქსიკაცია მიიღო. ისინი ერთი ოჯახის წევრები არიან.

„ინფო რუსთავის“ ცნობით, ნარკოტიკები დედამ, მისმა 18 წლის ვაჟმა და 22 წლის რძალმა ერთად მიიღეს, რის შემდეგაც ისინი ცუდად გახდნენ. ფაქტს, სააგენტოს ინფორმაციით, თავად ერთ-ერთი დაზარალებული ადასტურებს.

მოხმარებულ ნარკოტიკს შორის მარიხუანას გარდა სავარაუდოდ, სხვა საშუალებაც იყო, რის გამოც, გონება დაკარგეს და ცუდად გახდნენ.

ახალგაზრდა კაცმა 112-ში დარეკვა მოასწრო.

გამოცემის ცნობით, შემთხვევის დროს ბინაში 2 წლის ბავშვიც იმყოფებოდა.