მოზაიკა

სააღდგომო დღეებში საქართველოში არამდგარდი ამინდი იქნება

სინოპტიკოსები საქართველოში აღდგომის სადღესასწაულო დღეებში არამდგრად ამინდებს პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, დღეს 14 აპრილს როგორც დასავლეთ, ისე აღმოსავლეთ საქართველოს უმეტეს რაიონში წვიმაა მოსალოდნელი, ზოგან ძლიერი. იქროლებს დასავლეთის ქარი 10-15 მეტრი წამში, ზოგან ძლიერი 20-25 მეტრი/წამში.

ჰაერის ტემპერატურას რაც შეეხება, დასავლეთ საქართველოში ბარში მოსალოდნელია +12, +17, მთაში ასევე +12, +17 და მაღალ მთაში +7, +12 გრადუსი.

აღმოსავლეთ საქართველოს ბარში იქნება +17, +22; მთაში +13, +18 და მაღალ მთაში +9, +14 გრადუსი.

დღეს იწვიმებს თბილისშიც. იქროლებს ჩრდილო-დასავლეთის ქარი 10-15 მეტრი წამში, დროგამოშვებით ძლიერი 20-25 მეტრი/წამში. ჰაერის მაქსიმალური ტემპერატურა კი +20 გრადუსი იქნება.

15 აპრილს წვიმა და ელჭექია მოსალოდნელი როგორც დასავლეთ, ისე აღმოსავლეთ საქართველოს ზოგიერთ რაიონში. დასავლეთში იქროლებს დასავლეთის ქარი 10-15 მეტრი წამში, აღმოსავლეთ საქართველოს ზოგიერთ რაიონში კი, დასავლეთის ქარის სიჩქარე 20-25 მეტრ/წამს მიაღწევს.

დასავლეთ საქართველოში ჰაერის ტემპერატურა იქნება: ბარში +14, +19; მთაში +10, +15; მაღალ მთაში +7, +12 გრადუსი.

აღმოსავლეთ საქართველოში მოსალოდნელი ჰაერის ტემპერატურაა: ბარში +14, +19; მთაში +11, +16; მაღალ მთაში +8, +13 გრადუსი.

თბილისში 15 აპრილს, უმეტესად უნალექო ამინდია მოსალოდნელი. იქროლებს ჩრდილო-დასავლეთის ქარი 10-15 მეტრი წამში, დროგამოშვებით ძლიერი 20-25 მეტრი/წამში. ჰაერის მაქსიმალური ტემპერატურა კი +18 გრადუსი იქნება.

აღდგომას, 16 აპრილს დასავლეთ საქართველოში გამოიდარებს და უმეტესად უნალექო ამინდია მოსალოდნელი, აღმოსავლეთის ზოგიერთ რაიონში კი, ხანმოკლე წვიმას ელიან. იქროლებს ცვალებადი მიმართულების ქარი 10-15 მეტრი/წამში.

დასავლეთში ჰაერის ტემპერატურა იქნება: ბარში +19, +24; მთაში +16, +21; მაღალ მთაში +12, +17 გრადუსი.

აღმოსავლეთ საქართველოში ჰაერის მოსალოდნელი ტემპერატურაა: ბარში +12, +17; მთაში +13, +18; მაღალ მთაში +8, +13 გრადუსი.

აღდგომას, თბილისში დღე უმეტესად უნალექოდ ჩაივლის. ჰაერის მაქსიმალური ტემპერატურა კი +17 გრადუსს მიაღწევს.

ნინო ექვთიმიშვილი