მსოფლიო
სააკაშვილის დაკავების არანაირი მცდელობა არ ყოფილა, ესაა სუფთა ინფორმაციული პროვოკაცია - უკრაინის შს მინისტრის მრჩეველი
უკრაინის შინაგან საქმეთა მინისტრის მრჩეველმა ზორიან შკირიაკმა უკრაინის სახალხო დეპუტატის, იგორ ლუცენკოსა და მიხეილ სააკაშვილის თანამებრძოლის, დავით საყვარელიძის ინფორმაცია საქართველოს ყოფილი პრეზიდენტის დაკავების შესახებ სიცრუე უწოდა. შკირიაკის მტკიცებით, სასტუმროში, სადაც სააკაშვილი იმყოფება, სპეცნაზმი არ იყო გადაგზავნილი.
„უკრაინის არცერთი სამართალდამცავი ორგანოს არცერთი ქვედანაყოფი იქ [კიევში მდებარე სასტუმრო ფერმონტში] არ იყო და არც იქნებოდა. სააკაშვილის დაკავების არანაირი მცდელობა არ ყოფილა. ისინი [სააკაშვილის თანამებრძოლეები] ვერ შეძლებენ, წარადგინონ სპეცნაზმ ალფას სასტუმროში ყოფნის ვერც ფოტო, ვერც ვიდეომასალა, იმიტომ რომ ის იქ არ იმყოფებოდა.
ესაა კურჩენოს შეშინებული ვირთხისა და მისი კრიმინალურ-პოლიტიკური გარემოცვის სუფთა ინფორმაციული პროვოკაცია. ოდესღაც სააკაშვილი საქართველოს პრეზიდენტი იყო, მაგრამ ჯამბაზად და აფერისტად, საინფორმაციო ტროლად და პროვოკატორად იქცა. სევდიანია“, - დაწერა შკირიაკმა ფეისბუკის საკუთარ გვერდზე.
მან აღნიშნა, რომ სააკაშვილის საქმე მხოლოდ უკრაინის კანონებისა და საერთაშორისო სამართლის ნორმების შესაბამისად იქნება გადაწყვეტილი.