უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
მსოფლიო
სააკაშვილის „გარღვევის“ პროცესის მონაწილეები „მძიმე მუხლით“ გასამართლდებიან - არსენ ავაკოვი
უკრაინის შინაგან საქმეთა მინისტრი, არსენ ავაკოვი 10 სექტემბერს მიხეილ სააკაშვილისა და მისი მომხრეების მიერ „შეგინის“ გამშვები პუნქტის გარღვევით უკრაინაში შეღწევის ფაქტს გამოეხმაურა.
როგორც მინისტრმა Facebook-ის პირად გვერდზე დაწერა, გუშინ, მთელი დღის განმავლობაში სამართალდამცველები მხოლოდ იმაზე ფიქრობდნენ, რომ სისხლი არ დაღვრილიყო და ძალისმიერი შეტაკება არ მომხდარიყო.
„ღმერთია მოწმე, გუშინ ყველაფერს ვაკეთებდი, რომ მესაზღვრეები და პოლიციელები პოლიტიკური პროცესისგან გამემიჯნა.
დიახ, ავუკრძალეთ მათ იარაღის გამოყენება და აქციის მონაწილეების მიმართ ძალის გამოყენება. ჩვენ შეკრებილების უსაფრთხოებაზე ვფიქრობდით. მთელი დღე ვმუშაობდით პროვოკაციის არიდების კუთხით. საზღვართან „სპორტული აღნაგობის“ რამდენიმე ათეული ადამიანი დავაკავეთ.
საღამოსკენ, გადავწყვიტეთ არ გადაგვესროლა დამატებით პოლიციელები „შეგენის“ გამშვებ პუნქტთან, რადგან „კრაკოვეცში“ კონფლიქტის გაჩენის ალბათობა მაღალი იყო.
იმ ხნის განმავლობაში, ვიდრე სააკაშვილი და მისი მომხრეები საზღვართან იყვნენ და „გარღვევის“ მარშუტს ადგენდნენ, დაწყებული მატარებელთან დაკავშირებული იდიოტური ისტორიით - ჩვენ მხოლოდ ერთ რამეზე ვნერვიულობდით, რომ ძალისმიერი პროვოკაცია არ მომხდარიყო. და ჩემთვის აპარტიდის სტატუსი არ იყო მნიშვნელოვანი- ამას სასამართლო გაარკვევს. ჩემთვის მნიშვნელოვანი იყო ძალისმიერი შეტაკებისა და სისხლისღვრის არიდება.
თუმცა, პროვოკაცია მაინც მოხდა. სისხლი არ დაღვრილა - ეს კარგია. მაგრამ, ყევლაფრის ფასი ძალიან მაღალი აღმოჩნდა.
საზღვრის გადაკვეთის დამამცირებელი „სურათი“, ახალგაზრდა მესაძღვრისთვის ყელის წაჭერა - ეს უკვე სიბნელეა, და აქ საუბარი ცალკეულ პიროვნებებზეც აღარ არის, არც კონფლიქტის არსშია საქმე, ეს ინსტიტუციონალურობის თვითმკვლელი ნგრევაა. ეს იმ ფუნდამეტების ნგრევაა, რომელზეც ჩვენ ქვეყანას ვაშენებთ - მიუხედავად იმისა, თუ რომელი პოლიტიკური ჯგუფია ხელისუფლებაში. თუ ეს ფუნდამენტი იქნება დანგრეული - ჩვენ სახელმწიფო აღარ ვიქნებით. ვიქნებით ბრბო, რომელიც წარუმატებლად ცხოვრობს ტერიტორიაზე. თანაც აქ უკვე დროის ამბავიც არის, რომ ამით რუსი შოვინისტები, თუ ევროპელი ნაციონალისტები ისარგებლებენ.
სახელმწიფოს საბაზიზო ინსტიტუტებზე თავდასხმა, იმწუთიერი პოლიტიკური ინტერესების გამო - დანაშაულებრივი და უპასუხსიმგებლობლო ქმედებაა!
ბატონო პოლიტიკოსებო, არ დაუშვათ ეს, როდესაც საკუთარ კარიერას და პოლიტიკურ თამაშებს გეგმავთ! არ გაცვალოთ უკრაინა პირად პოლიტიკურ ინტერესებზე. თქვენც და მეც - დიდი ქვეყნის ისტორიაში მხოლოდ პატარა ეპიზოდები ვართ. რაც არ უნდა მოხდეს - ხელისუფლებაში ყოფნისას, ან ოპოზიციაში არასდროს წახვიდეთ აზარტულ ვა-ბანკში და უკრაინის ინტერესებით არ გარისკოთ!“,-წერს უკრაინის შინაგან საქმეთა მინისტრი.
მინისტრის თქმით, ყველა ის პირი, ვინც საზღვრის გარღვევაში მონაწილეობდა იდენტიფიცირებული იქნება და კანონის შესაბამისად აგებს პასუხს.
მისივე თქმით, „შეგინთან“ მომხდარ ფაქტზე გამოძიება „საზღვრის უკანონო კვეთის“ მუხლით დაიწყო.
„ეს მძიმე მუხლია. დარმწუნებული ვარ პროკურატურა ისევე როგორც სასამართლოები მხარს დაგვიჭერს.
სააკაშვილმა და ყველა იმ პირმა, ვინც საზღვარი უკანონოდ გადაკვეთა უნდა აარჩიონ, ან „შეგინის“ გამშვებ პუნქტთან მივიდნენ და დოკუმენტების გაფორმების პროცედურა გაიარონ, ან სამიგრაციო სამსახურში მივიდნენ.
„გარღვევის“ ყველა მონაწილემ, მათ შორის სახალხო დეპუტატებმა ჩვენების მისაცემად პოლციაში უნდა გამოცხადნენ“,-განმარტა არსენ ავაკოვმა.