უახლესი ამბები
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
კომენტარი
სააკაშვილს სურდა პატრიარქის ადგილას მისთვის სასურველი მემკვიდრე დაეყენებინა - ია მეტრეველი
სააკაშვილს ამ შემთხვევით უნდოდა, ორი კურდღელი დაეჭირა, - განაცხადა მოკლული ბუტა რობაქიძის დედამ ია მეტრეველმა დღეს გამართულ ბრიფინგზე და აღნიშნულით საპატრიარქოში მიმდინარე მოვლენებსა და ე.წ. ციანიდის საქმეს გამოეხმაურა.
მისი თქმით, ამ ყველაფრის უკან „ნაციონალური მოძრაობა" დგას, რადგან მათი მიზანი ეკლესიის დაკნინება და საზოგადოების რწმენის შერყევაა.
,,ეს არის ძალიან მზაკვრული, შორს მიმავალი გეგმები, რომლებიც ნამდვილად არის მართული და ამის თქმის საფუძველს მაძლევს ის, რომ ამ ყველაფერში „ნაციონალური მოძრაობის" კვალს ვხედავ. პირდაპირ ვიტყვი, რომ სააკაშვილის გეგმის ნაწილია. სააკაშვილს ამ შემთხვევით უნდოდა, ორი კურდღელი დაეჭირა. ერთი ის, რომ პატრიარქის ადგილას მისთვის სასურველი მემკვიდრე დაეყენებინა და ასევე მომხდარიყო საზოგადოებაში ეკლესიის დაკნინება და რწმენის შერყევა. მინდა ვუთხრა მას, რომ გეგმა ჩაუვარდა. ნამდვილად ვერ მოახერხა ვერც რწმენის შერყევა, ვერც ეკლესიის დაკნინება.
კარგად გვახსოვს, „ნაციონალურ მოძრაობას" მთელი 9 წლის განმავლობაში როგორ მდგომარეობაში ჰყავდა საპატრიარქო, როგორ აღიზიანებდა სააკაშვილს პატრიარქის ავტორიტეტი. კარგად გვახსოვს, როგორ მოვიდნენ ხელისუფლებაში და ვანდალურად დაარბიეს მამა ბასილის ეკლესია.
მინდა, გავიხსენო „ბავშვთა სამყაროს" ხანძრის ამბავი და ვთვლი, რომ ესეც სააკაშვილის გეგმის ნაწილია. სწორედ ისინი დაგვემუქრნენ, რომ ოთხი წლის განმავლობაში ჯოჯოხეთს მოგვიწყობდნენ და ჩვენს ფეხქვეშ მიწა დაგვეწვებოდა. სწორედ ეს მაძლევს იმის საფუძველს ვიფიქრო, რომ რაც ხდება, „ნაციონალური მოძრაობის" ბრალია. მათ აწყობთ ქვეყანაში არეულობა.
აქვე, მადლობა მინდა გადავუხადო ბატონ ირაკლი შოთაძეს, რადგან მან აღკვეთა დანაშაული და ქვეყანა გადარჩა საშინელებას. ხალხი არის ერთსულოვანი, ჩვენ გვყავს ბრძენი პატრიარქი და ამიტომ ვფიქრობ, რომ ყვლაფერი კარგად იქნება", - განაცხადა ია მეტრეველმა.
ნინო ექვთიმიშვილი