კომენტარი

სააკაშვილთან დაკავშირებით ყველა შემდგომი სამართლებრივი პროცედურა ორმხრივი თანამშრომლობის ფარგლებში მოხდება - ეკა ბესელია

აპარლამენტის იურიდიულ საკითხთა კომიტეტის თავმჯდომარე ეკა ბესელია, უკრაინაში საქართველოს ექს-პრეზიდენტის მიხეილ სააკაშვილის დაკავებას გამოეხმაურა.

როგორც ბესელიამ განმარტა, მიხეილ სააკაშვილის მიმართ სამართლებრივი პროცედურა საერთაშორისო თანამშრომლობის ფარგლებში მიმდინარეობს.

„აქამდეც იყო გაგზავნილი მოთხოვნა ექსტრადირების თაობაზე და ამ თემაზე გაკეთებული აქვს შესაბამისი განცხადება და განმარტება როგორც იუსტიციის სამინისტროს, ასევე მთავარ პროკურატურას.

სამართლებრივი პროცედურა საერთაშორისო თანამშრომლობის ფარგლებში, საერთაშორისო და შიდა ეროვნული კანომნდებლობით უკვე დაწყებულია. მიხეილ სააკაშვილს საქართველოში წინასწარი პატიმრობა აქვს შეფარდებული და გაცემულია დაპატიმრების ბრძანება, ასევე არის ძებნის პროცედურა.

ექსტრადირებასთან დაკავშირებით თავის დროზე იყო მოთხოვნა. ასე რომ ყველა შემდგომი სამართლებრივი პროცედურა მოხდება ორმხრივი სამართლებრივი თანამშრომლობის ფარგლებში“,-განმარტა ბესელიამ.

მიხეილ სააკაშვილი კიევში დღეს დააკავეს.

მონიკა დავლიანიძე