უკან

დღის კალენდარი

ანონსები

არქივი

სამართალი

14 სექტემბერი, 2017 09:54
font-size

სააპელაციო სასამართლო დღეს თემურ ბასილიას საქმის არსებით განხილვას დაიწყებს

თბილისის სააპელაციო სასამართლოს სისხლის სამართლის საქმეთა პალატა დღეიდან საქართველოს ყოფილი ვიცე-პრემიერისა და პრეზიდენტის ყოფილი თანაშემწის თემურ ბასილიას საქმეზე არსებით განხილვას დაიწყებს. პალატამ საქმეზე უკვე მოისმინა ბრალდებისა და დაცვის მხარის შესავალი სიტყვა, 14 სექტემბრის სხდომაზე კი მოწმეთა ჩვენებების მიცემა იგეგმება. როგორც ცნობილია, საქმეზე ბოლო სხდომა 27 ივლისს შედგა, თუმცა ერთ-ერთი მოსამართლის საპატიო მიზეზით გამოუცხადებლობის გამო, გადაიდო.

თბილისის სააპელაციო სასამართლო თემურ ბასილიას საქმეს მოსამართლეების: მაია ხოლოაშვილი (თავმჯდომარე), შორენა ყაველაშვილი და მზია ლომთათიძე შემადგენლობით განიხილავს. საქმე აღნიშნულ კოლეგიას მას შემდეგ გადაეცა, რაც საქართველოს უზენაესი სასამართლომ თემურ ბასილიას ბრალდების გადახედვის თაობაზე განჩინება მიიღო.

საზოგადოებისთვის ცნობილია, რომ 2017 წლის 27 იანვარს, მთავარი პროკურატურის სამართალწარმოების პროცესში ჩადენილი დანაშაულის გამოძიების დეპარტამენტმა მიიღო დადგენილება „მსჯავრდებულის მიმართ სისხლის სამართლის წარმოების პროცესში მისი უფლების არსებითი დარღვევის შესახებ“, რომლითაც თემურ ბასილია, წინა ხელისუფლების პირობებში წარდგენილ ბრალდებაში, უდანაშაულოდ იქნა ცნობილი.

მთავარი პროკურატურის ახალი გამოძიების პირობებში დადგინდა, რომ 2006 წლის 25 თებერვალს, გენერალური პროკურატურის მიერ თაღლითობის და დოკუმენტის გაყალბებისთვის დაკავებული იყო სს ,,ინტელექტბანკი“-ს გენერალური დირექტორი გოგი სალია და ცენტრალური ფილიალის მმართველი ლევან კვირიკაშვილი. გენერალურ პროკურატურას სურდა დანაშაულში გამოევლინა საქართველოს პრეზიდენტ ედუარდ შევარდნაძის ყოფილი თანაშემწე თემურ ბასილია, რომელიც დაპირისპირებული იყო იმჟამინდელ ხელისუფლებასთან. ამ მიზნით, პროკურატურის ხელმძღვანელი პირების ორგანიზებით საპატიმრო დაწესებულებაში, ფარულად, კანონდარღვევით შეიყვანეს ,,ინტელექტბანკის“ აქციონერები, რომლებმაც პატიმარ გოგი სალიას და ლევან კვირიკაშვილს გადასცეს პროკურატურის კატეგორიული მოთხოვნა, რომ ხელი მოეწერათ იმ ჩვენებაზე, რომელსაც მათ გამოძიება წარუდგენდა, თითქოსდა თემურ ბასილია ,,ინტელექტბანკისთვის“ დახმარების აღმოჩენის სანაცვლოდ, ბანკისგან ქრთამის სახით იღებდა ფულად თანხებს. პროკურატურისთვის ასეთი ჩვენების მიცემის შემთხვევაში კი მათი საქმე დადებითად გადაწყდებოდა და ისინი საპროცესო შეთანხმების საფუძველზე დატოვებდნენ საპატიმრო დაწესებულებას. პროკურატურის მიერ ასეთი მეთოდებით ყალბი ჩვენების მიღების შემდეგ, თემურ ბასილია უკანონოდ იქნა მსჯავრდებული.

ცნობისთვის: 2011 წლის 26 მაისს, ამერიკის შეერთებული შტატების ხელისუფლებამ თემურ ბასილიას მიანიჭა პოლიტიკური დევნილის სტატუსი.

თემურ ბასილიას კანონიერ ინტერესებს, ადვოკატები: არჩილ კაიკაციშვილი და გია ტაბლიაშვილი წარმოადგენს. ამჟამად, თემურ ბასილიას ადვოკატები იმედოვნებენ, რომ თბილისის სააპელაციო სასამართლო საქმის გადახედვას არ გააჭიანურებს და უკანონო განაჩენის გადახედვა არ გახანგრძლივდება.

თბილისის სააპელაციო სასამართლოს სისხლის სამართლის საქმეთა პალატაში, საქმეზე სხდომა 14:00 საათზე განახლდება.

სურამში მკვლელობის ბრალდებით ერთი პირი დააკავეს

17 ივნისი, 2018 , 11:36

შინაგან საქმეთა სამინისტროს შიდა ქართლის პოლიციის დეპარტამენტის დეტექტივების სამმართველოს და ხაშურის რაიონული სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 1970 წელს დაბა

2 700 ლარი არარსებული მენიუსთვის - შსს-მ ბათუმის კლუბებში ჩადენილი გამოძალვის და იძულების ბრალდებით 2 პირი დააკავა, 3 კი პასუხისგებაში მისცა

17 ივნისი, 2018 , 11:08

შინაგან საქმეთა სამინისტროს აჭარის პოლიციის დეპარტამენტში მიმდინარე წლის 18 მაისს, ოპერატიული ინფორმაციის საფუძველზე დაიწყო გამოძიება ბათუმში არსებულ დისკო კლუბებში მოქალაქეებისთვის გაწეული მომსახურეობასთან და პროდუქტის

ლევან დადუნაშვილის მკვლელობის საქმეზე დაცვის მხარე ექსპერტიზის უცხოეთში დანიშვნას ითხოვს

16 ივნისი, 2018 , 16:10

ხორავას ქუჩაზე მომხდარ მოზარდების მკვლელოის საქმეზე თბილისის საქალაქო სასამართლოს განაჩენის სამოტივაციო ნაწილი მხარეებს ჩაბარდათ. განაჩენის სამოტივაციო ნაწილის შეფასებისას ლევან დადუნაშვილის მკვლელობის საქმეზე მსჯავრდებუ

ვაჟა-ფშაველაზე ტექნიკის მაღაზია გაქურდეს

16 ივნისი, 2018 , 15:15

თბილისში, ვაჟა-ფშაველაზე მდებარე ტექნიკის მაღაზია BEKO გაქურდეს. წინასწარი ინფორმაციით, წაღებულია 20-მდე მობილური ტელეფონი, წაღებული თანხის ოდენობა კი, 4500 ლარს აღწევს. დაუზუსტებელი ცნობით, ტექნიკის მაღაზია ოთხმა არასრუ

თამბაქოს მოხმარების წესების ყველაზე მეტი სამართალდამრღვევი იმერეთში გამოვლინდა

16 ივნისი, 2018 , 12:25

2018 წლის 1 მაისიდან 7 ივნისის ჩათვლით თამბაქოს მოხმარების წესების დარღვევისთვის საპატრულო პოლიციამ 110 სამართალდარღვევაზე მოახდინა რეაგირება. კერძოდ, ადმინისტრაციულ სამართალდარღვევათა კოდექსის 1711 მუხლის საფუძველზე 93

დისკრიმინაციის ფაქტზე რუსა ამირეჯიბმა 130-ე სკოლას სააპელაციო სასამართლოში პროცესი მოუგო

16 ივნისი, 2018 , 12:25

ჭაბუა ამირეჯიბის შვილიშვილმა, რუსა ამირეჯიბმა 130-ე სკოლას სასამართლო პროცესი მოუგო. საქმე ეხებოდა მის შვილთან დაკავშირებულ დისკრიმინაციის ფაქტს.  იურიდიულ დახმარებას მათ „საფარი“ უწევდა, რომელიც ინფორმა

ვიდეო გალერეა

ინტერვიუ ვანიჩკასთან - ნატო ჩხეიძე