უკან
საზოგადოება
25 მაისი, 2017 16:00
საატესტატო გამოცდების ზღვარი დაახლოებით 11 000-მა მოსწავლემ ვერ გადალახა - ალექსანდრე ჯეჯელავა
საქართველოს განათლების მინისტრის, ალექსანდრე ჯეჯელავას განცხადებით, სკოლის საატესტატო გამოცდებზე ზღვარი დაახლოებით 11 000-მა მოსწავლემ ვერ გადალახა.
ჯეჯელავამ აღნიშნა, რომ ბრალდება, თითქოს გამოცდის შინაარსი არ ემთხვეოდა სასწავლო პროგრამას, მცდარია.
„საატესტატო გამოცდები გუშინ დამთავრდა და რამდენიმე დღეში შეჯამდება ზუსტი შედეგები. დაახლოებით 11 ათასი მოსწავლეა, რომელმაც ვერ გადალახა გამოცდების ზღვარი. ტექნიკური საგნები უფრო მეტად უჭირთ, ვიდრე სხვა საგნები. ისმის ჩივილები, რომ პროგრამას არ ემთხვეოდა გამოცდის შინაარსი, თუმცა ეს ასე არ არის. კომპიუტერით ადაპტირებული ტესტირება იმას გულისხმობს, რომ ზუსტად სტანდარტული ამოცანებით კი არ მიდის პროცესი, არამედ მოწმდება, ცოდნის გამოყენება რამდენად შეუძლია მოსწავლეს“, -განაცხადა ჯეჯელავამ.
ანა მებურიშვილი