უკან

უახლესი ამბები

დღის კალენდარი

ანონსები

არქივი

საზოგადოება

24 ოქტომბერი, 2020 14:45
font-size

საბედნიეროდ, შემთხვევების თითქმის 90% არის მსუბუქი, რომელიც მოითხოვს სახლის პირობებში მართვას - ამირან გამყრელიძე

საბედნიეროდ, შემთხვევების თითქმის 90% არის მსუბუქი, რომელიც მოითხოვს სახლის პირობებში მართვას. რა თქმა უნდა, სასურველია იზოლირებულად, რომ ოჯახის წევრებს არ გადავდოთ, თუ ამის საშუალება არის, თუ არ არის ამის საშუალება, მაშინ სახელმწიფო სთავაზობს ადამიანებს, რომ ისინი გადავიდნენ ე.წ. „კოვიდსასტუმროებში“ და იქ იმართონ უკვე ოჯახისგან იზოლირებულად, რათა არ გავრცელდეს, - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორმა ამირან გამყრელიძემ განაცხადა.

მისივე თქმით, ჯერჯერობით ეპიდემია არ შეჩერდება არც გლობალურად და არც საქართველოში და შემთხვევების რაოდენობა გაიზრდება, თუმცა მთავარია, რომ სიტუაცია მართვადია.

„ჯერჯერობით ეპიდემია არ შეჩერდება არც გლობალურად და არც ჩვენთან. შემთხვევების რაოდენობა გაიზრდება, ამას ყოველდღიურად აღვნიშნავთ, რომ ჩვენ გვექნება ყოველდღიურად მეტი შემთხვევა, მაგრამ მთავარია, სიტუაცია იყოს მართვადი. ჩვენ, ვთქვათ, გრიპის დროს ხომ გვაქვს ბევრი შემთხვევა, მაგრამ სიტუაციას ვმართავთ, დაახლოებით ასე იქნება თანდათანობით კოვიდთან მიმართებაშიც. შემთხვევების ზრდა გვექნება. საბედნიეროდ, შემთხვევების თითქმის 90% არის მსუბუქი, რომელიც მოითხოვს სახლის პირობებში მართვას. რა თქმა უნდა, სასურველია იზოლირებულად, რომ ოჯახის წევრებს არ გადავდოთ, თუ ამის საშუალება არის, თუ არ არის ამის საშუალება, მაშინ სახელმწიფო სთავაზობს ადამიანებს, რომ ისინი გადავიდნენ ე.წ. „კოვიდსასტუმროებში“ და იქ იმართონ უკვე ოჯახისგან იზოლირებულად, რათა არ გავრცელდეს. მთავარი არის, რომ დადგენის შემდეგ, როცა სიმპტომები ვლინდება, რაც შეიძლება სწრაფად მოხდეს იზოლირება. რადგან ეს არის რესპირაციული ინფექცია, ის სწრაფად ვრცელდება, გადადის ადამიანისგან ადამიანზე. ასევე მინდა მოვუწოდო დიდი სიფრთხილისკენ, ინფიცირება ხდება ჩემი კოლეგების, ექიმების, ექთნების, სამედიცინო პერსონალის, ეს ასეც არის და ასეც იქნება სამწუხაროდ, რადგან ჩვენ ყველაზე მოწყვლადი ფენა ვართ, ექიმები ამ ბრძოლის წინა ხაზზე არიან, ისინი თავის პროფესიულ მოვალეობას ასრულებენ, მაგრამ სასურველია მეტი სიფრთხილე. ინფიცირებულთა ძალიან პატარა ნაწილი ინფიცირდება დღეს საავადმყოფოს და სამედიცინო დაწესებულების პირობებში, ასევე მათი დაინფიცირება ხდება საყოფაცხოვრებო პირობებში, მაგრამ სამედიცინო პირობებში აუცილებელია ინფექციის კონტროლის ყველა ღონისძიების დაცვა, რომ მინიმალურად იყოს სამედიცინო პერსონალის დაინფიცირების შემთხვევები, რამეთუ, მოგეხსენებათ, სამედიცინო პერსონალის რესურსი ქვეყანაში ამოუწურავი არასოდეს არ არის, არც ერთ ქვეყანაში,”- განაცხადა ამირან გამყრელიძემ.

მისივე თქმით, პიკი, დიდი ალბათობით, იქნება ნოემბრის შუა რიცხვებში და ამისთვის უნდა იყოს მზადყოფნა, არა მხოლოდ საზოგადოებრივი ჯანდაცვის, სამედიცინო სექტორის, პირველადი ჯანდაცვისა და ჰოსპიტალური სექტორის, არამედ უშუალოდ მოქალაქეების.

„კიდევ ერთხელ მინდა მოვუწოდო მოსახლეობას, დიახ, შემთხვევების ზრდა გვაქვს და გვექნება, სხვადასხვა მოდელირების მიხედვით, რომელსაც ჩვენ ვაკეთებთ, პიკში დიდი ალბათობით ჩვენ შევალთ სადღაც ნოემბრის შუა რიცხვებში და ამისთვის მზადყოფნა უნდა იყოს. მზადყოფნა არა მხოლოდ საზოგადოებრივი ჯანდაცვის, სამედიცინო სექტორის, პირველადი ჯანდაცვისა და ჰოსპიტალური სექტორის, არამედ ასევე მზადყოფნა თვითონ მოსახლეობის. ჩვენ უნდა გავითავისოთ, რომ უმრავლეს შემთხვევაში, 90%-ში ჩვენ შეგვიძლია ეს დაავადება თვითონ ვმართოთ, ექიმის ხშირი სატელეფონო კონსულტაციით. თუ აუცილებელია ექიმის გასინჯვა, რა თქმა უნდა, ამის ყველა საშუალება არის და ამის შესაბამისი პირობები ქვეყანაში არსებობს. მთავარია 5 რეკომენდაციის დაცვა - პირბადე, დისტანცია, ხელების ხშირი დაბანა, თავის არიდება დიდი თავშეყრებისგან, ნებისმიერი მიზეზით, დავიმახსოვროთ, რომ 1 წელი, მინიმუმ, ჩვენ თავი უნდა შევიკავოთ ამისგან, რადგან ყველა ეპიდაფეთქების კერა, რაც დღეს ქვეყანაში გვაქვს საწყისს იღებს ამ დიდი თავშეყრებისგან და შესაბამისად, ვეცადოთ, დიდწილად ვიყოთ ჰაერზე და ყველა შეკრება, ვთქვათ, 5-6 ადამიანის თუ ასე შემდეგ, გავაკეთოთ გარეთ,”- განაცხადა ამირან გამყრელიძემ.

დმანისში ინციდენტი დღეს ამოიწურა, მხარეები შერიგდნენ, თუმცა ვითარების კონტროლის მიზნით, რაღაც მასშტაბით ვტოვებთ პოლიციურ ძალებს - ვახტანგ გომელაური

17 მაისი, 2021 , 22:09

 საქართველოს შინაგან საქმეთა მინისტრის ვახტანგ გომელაურის განცხადებით, დმანისის მოვლენებთან დაკავშირებით ამ დროისთვის არც ერთი პირი დაკავებული არ არის, არამედ მიმდინარეობს გამოკითხვები. „დაკავებული არც ერთი ად

საქართველოში აზერბაიჯანის საელჩო დმანისში განვითარებულ მოვლენებთან დაკავშირებით განცხადებას ავრცელებს

17 მაისი, 2021 , 20:36

საქართველოში აზერბაიჯანის საელჩო დმანისში განვითარებულ მოვლენებთან დაკავშირებით განცხადებას ავრცელებს. განცხადებაში საელჩო მოუწოდებს, არ აყვნენ რაიმე პროვოკაციებს, აჩვენონ პოლიტიკური სიმწიფე და პასუხისმგებლობა. „აზ

დმანისი არ არის მხოლოდ ყოფითი პრობლემა - არჩილ კაიკაციშვილი

17 მაისი, 2021 , 20:15

დმანისში განვითარებულ მოვლენებს „ახალგაზრდა ადვოკატების“ ხელმძღვანელი არჩილ კაიკაციშვილი სოციალურ ქსელში ეხმაურება. „ვგმობ ნებისმიერ ძალადობას, რომელიც დანაშაულია, ვისგანაც არ უნდა მომდინარეობდეს იგი. დ

მოვუწოდებთ საქართველოში მცხოვრებ აზერბაიჯანელებს, გამოიჩინონ თავშეკავება - აზერბაიჯანის დიასპორასთან მუშაობის სახელმწიფო კომიტეტი

17 მაისი, 2021 , 18:47

აზერბაიჯანის დიასპორასთან მუშაობის სახელმწიფო კომიტეტი დმანისში მომხდარ ინცინდენტს განცხადებით ეხმაურება. აზერბაიჯანის დიასპორასთან მუშაობის სახელმწიფო კომიტეტი საქართველოში მცხოვრებ აზერბაიჯანელებს, თავშეკავებისკენ მოუწ

1 აშშ დოლარის ოფიციალური ღირებულება 3.3979 ლარი გახდა

17 მაისი, 2021 , 18:39

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულებამ 3.3979 ლარი შეადგინა. კურსი, რომელიც დღეს მოქმედებდა, 3.4186 ლარი იყო. შესაბამისად, დოლარის ცვლილებამ ეროვნუ

დღეიდან მუნიციპალური ტრანსპორტი მგზავრებს 23:00 საათამდე მოემსახურება

17 მაისი, 2021 , 14:06

უწყებათაშორისი საკოორდინაციო საბჭოს გადაწყვეტილებით, კომენდანტის საათის ცვლილებიდან გამომდინარე, დედაქალაქში მუნიციპალურ ტრანსპორტზე დაწესებული შეზღუდვებიც იცვლება. ინფორმაციას თბილისის მერია ავრცელებს. „დღეიდან მუ