უკან
კომენტარი
5 ნოემბერი, 2018 16:00
საჭიროა სწრაფი მოქმედებები, რასაც ხელისუფლება მოისაკლისებს - გია ვოლსკი
ერთობის განცდამ ბოლო პერიოდში ძალიან მოიკოჭლა - პარტიული მართვის სისტემა შეირყა და ვერტიკალია მოშლილი, - ასეთ შეფასებას აკეთებს პარლამენტის ვიცე-სპიკერი გია ვოლსკი “ქართული ოცნების“ ლიდერის ბიძინა ივანიშვილის ვიდეომიმართვის კომენტირებისას.
როგორც ვოლსკიმ ჟურნალისტებთან საუბრისას აღნიშნა, ივანიშვილის პოლიტიკაში დაბრუნება იმის მომასწავლებელი იყო, რომ ამ ყველაფერს გამოსწორება სჭირდება.
მისივე თქმით, დღეს საუბარია საერთოდ რესურსების გაძლიერებაზე.
„მოსაგვარებელია ბევრი ის სამართლებრივი საკითხი, რაც “ქართულ ოცნებას“ მძიმე მემკვიდრეობად ერგო. საჭიროა სწრაფი მოქმედებები, რასაც ხელისუფლება მოისაკლისებს. ბიძინა ივანიშვილი ის ადამიანია, რომელიც მართვის სისტემას ეფექტურად დაალაგებს“, - განუცხადა ჟურნალისტებს გია ვოლსკიმ.