უახლესი ამბები
არქივი
სამართალი
სადახლოსა და კარწახში არადეკლარირებული ძვირფასი ლითონები აღმოაჩინეს
1-7 დეკემბერს, საბაჟო გამშვებ პუნქტებში „სადახლო-საავტომობილო“, და ,,კარწახი“, მებაჟე ოფიცრებმა არადეკლარირებული ძვირფასი ლითონების კანონდარღვევით შემოტანის რამდენიმე ფაქტი გამოავლინეს. კერძოდ; კანონდარღვევის 2 შემთხვევა (ოქროს ნაკეთობების საერთო წონა 299,52 გრამი) დაფიქსირდა საბაჟო გამშვებ პუნქტში ,,კარწახი’’. საქონლის საერთო საბაჟო ღირებულებამ შეადგინა 17,181 ლარი. საქართველოს საგადასახადო კოდექსის 289-ე მუხლის მე-10 ნაწილის მიხედვით, კანონდამრღვევ მოქალაქეებს, სანქციის სახით, დაეკისრათ ფულადი ჯარიმა საერთო ჯამში 17,181 ლარის ოდენობით, _ აცნობეს მედიანიუსს შემოსავლების სამსახურიდან.
საბაჟო გამშვებ პუნქტში ,,სადახლო’’ გამოვლენილი არადეკლარირებული ოქროსა (183,33 გრამი) და ვერცხლის (440,81 გრამი) ნაკეთობების სერთო საბაჟო ღირებულებამ შეადგინა 13654.25. საგადასახადო კოდექსის 289-ე მუხლის მე-10 ნაწილის მიხედვით, მოქალაქეს, სანქციის სახით, დაეკისრა ფულადი ჯარიმა 13654.25 ლარის ოდენობით.