უკან
რეგიონები
8 მაისი, 2018 17:15
სადახლოზე ნარკოტიკული და ფსიქოტროპული ნივთიერებების შემცველი მედიკამენტები აღმოაჩინეს
4-6 მაისს, საბაჟო გამშვებ პუნქტში „სადახლო-საავტომობილო“, ნარკოტიკული და ფსიქოტროპული ნივთიერებების შემცველი მედიკამენტების ქვეყნის საზღვარზე უკანონოდ შემოტანის ფაქტები აღიკვეთა. ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, საქართველოს, რუსეთის, სომხეთისა და ირანის მოქალაქეების ავტომობილებისა და ფიზიკური დათვალიერებისას, ნარკოტიკული (12 გრ.) და ფსიქოტროპული (27 კაფსულა) ნივთიერებების შემცველი მედიკამენტები, ნარკოტიკული ნივთიერება მარიხუანა (5,65 გრ.) და ასევე ელექტრო სიგარეტი მარიხუანის სითხით აღმოაჩინეს.
ფინანსთა სამინისტროს შემოსავლების სამსახურის ინფორმაციით, საქმეთა მასალები, შემდგომი რეაგირების მიზნით, შინაგან საქმეთა სამინისტროს შესაბამის ერთეულებს გადაეცათ.