უახლესი ამბები
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
საზოგადოება
საჯარო რეესტრის თავმჯდომარემ კონფერნციაზე ბლოკჩეინ ტექნოლოგიის დანერგვის შესახებ მოხსენება წარადგინა
იუსტიციის სამინისტროს საჯარო რეესტრის ეროვნული სააგენტოს თავმჯდომარე პაპუნა უგრეხელიძე და საერთაშორისო ორგანიზაციებთან ურთიერთობის განყოფილების უფროსი მარი ხარძიანი გერმანიის ქალაქ კელში INSPIRE-ის ყოველწლიურ კონფერენციას ესწრებიან.
საჯარო რეესტრის თავმჯდომარემ კონფერენციაზე სარეგისტრაციო ტრანზაქციებში ბლოკჩეინ ტექნოლოგიის დანერგვასა და საქართველოში ეროვნული სივრცითი მონაცემების ინფრასტრუქტურის განვითარების შესახებ მოხსენება წარადგინა.
კონფერენციის მონაწილეების განსაკუთრებული დაინტერესება უძრავი ქონების რეგისტრაციის პროცესში ბლოკჩეინ ტექნოლოგიის გამოყენებამ გამოიწვია. საქართველო მსოფლიოში ერთ-ერთი პირველი ქვეყანაა, რომელიც ბლოკჩეინის ტექნოლოგიურ ინოვაციას უძრავი ქონების რეგისტრაციაში იყენებს. საჯარო რეესტრის წარმომადგენლებმა მონაწილეებს სარეგისტრაციო ტრანზაქციებში ბლოკჩეინ ტექნოლოგიის დანერგვის შესახებ მიღებული გამოცდილება და სამომავლო გეგმები გაუზიარეს.
INSPIRE-ის ყოველწლიური კონფერენცია ერთ-ერთი მასშტაბური ღონისძიებაა როგორც ევროპის სივრცითი ინფორმაციის ინფრასტრუქტურის, ისე, ზოგადად, გეოსივრცითი ინფორმაციის სფეროში, რომელიც წელს გერმანიის ქ. კელში და საფრანგეთის ქ. სტრასბურგში იმართება. მასში გეოსივრცითი ინფორმაციის სფეროს წამყვანი ექსპერტები, სახელმწიფო უწყებების წარმომადგენლები, გეოსივრცითი მონაცემების მსხვილი მწარმოებლები და სერვისების მიმწოდებლები მონაწილეობენ, მოწინავე ქვეყნების გამოცდილებას და დარგის სიახლეებს ეცნობიან.
საერთაშორისო კონფერენცია ევროკომისიის ერთობლივი კვლევის ცენტრის (JRC), ევროპის გარემოს დაცვის სააგენტოს (EEA), გერმანიისა და საფრანგეთის სხვადასხვა სახელმწიფო სტრუქტურების ორგანიზებით ტარდება.
საჯარო რეესტრის თავმჯდომარის მოხსენება საქართველოში ეროვნული სივრცითი ინფრასქტუქტურის განვითარების შესახებ, კონფერენციის ორგანიზატორების ინიციატივით, კონფერენციის შემაჯამებელ ანგარიშშიც დაიბეჭდება, სადაც საქართველოს მიღწევები საუკეთესო პრაქტიკის მქონე სხვა ქვეყნების მაგალითებთან ერთად იქნება განხილული.
კონფერენცია 8 სექტემბერს დასრულდება.