საზოგადოება
საელჩოში ჩემი ძმის ამბავი 29 ივნისს შევიდა, ოჯახს კი მხოლოდ 3 ივლისს შეგვატყობინეს - თურქეთში მოკლული ქართველის ძმა
სარფის გამშვებ პუნქტთან, თურქეთში მოკლული 39 წლის ქართველის, გივი მაჩაიძის ოჯახის წევრები, ცხედრის გადმოსვენებას ელოდებიან.
მოკლულის ძმები მიხეილ და ვასილ მაჩაიძეები მკვლელობის მოტივად 900 ლირას ასახელებენ, რომელიც მოკლულს ქონდა ასაღები.
ამასთან, მოკლულის ძმები, საგარეო უწყებას ადანაშაულებენ იმაში, რომ მათი ძმის შესახებ ინფორმაცია დაგვიანებით მიაწოდეს.
„ჩემ დასთანაც არის დაფიქსირებული ზარი, ჩემი ძმა შველას ითხოვდა, საშინელება ხმები მოდიოდა თურმე, თურქების და ქართველების ხმები. იმ საღამოსვე ჩემი ძმის ტელეფონი გაითიშა და აღარ ჩართულა. 29-ში შევიდა განაცხადი საელჩოში და ჩვენ მხოლოდ 3 ივლისს გვაგებინებენ, რომ თურქეთის პროზეკტურაში გადმოსვენებული არის გივი მაჩაიძე,“-აღნიშნა მიხიელ მაჩაიძემ.
გივი მაჩაიძეს თავის არეში აქვს ჭრილობა ბლაგვი საგნით მიყენებული. მას დაზიანებები ყელის არეშიც აღენიშნება.
არსებული ინფორმაციით, თურქეთში გივი მაჩაიძის მკვლელობის ბრალდებით ქართველია დაკავებული.
მონიკა დავლიანიძე