უკან

უახლესი ამბები

დღის კალენდარი

ანონსები

არქივი

საზოგადოება

2 მაისი, 2017 14:20
font-size

„საერთაშორისო გამჭვირვალობა- საქართველო“ საკონსტიტუციო კომისიის შეფასების ანგარიშს ვენეციის კომისიას გაუგზავნის

არასამთავრობო ორგანიზაციამ „საერთაშორისო გამჭვირვალობა-საქართველომ“ საკონსტიტუციო ცვლილებები შეაფასა. აღნიშნული ანგარიში შემდგომ ვენეციის კომისიას გადაეგზავნება.

როგორც 18-გვერდიან ანგარიშში წერია, საკონსტიტუციო კომისიის მუშაობის ერთ-ერთი ხარვეზი შემჭიდროვებული ვადები იყო. არასამთავრობოს შეფასებით, 4 თვე საკმარისი არაა ფუნდამენტური საკონსტიტუციო ცვლილებების შემუშავებისთვის.

გარდა ამისა, ავტორებისთვის გაუგებარი იყო ინიციატივების შერჩევის წესი. აღნიშნულია, რომ არასამთავრობოთა და ექსპერტების შეთავაზებული წინადადებები 700 გვერდს შეადგენდა. კომისიამ გაითვალისწინა „საერთაშორისო გამჭვირვალობა-საქართველოს“ მიერ წარმოდგენილი თითქმის ყველა შენიშვნა, თუმცა არ გაითვალისწინება მისი წინადადებები საარჩევნო სისტემასა და პრეზიდენტის არჩევის წესზე.

ანგარიშის მიხედვით, მკაფიო ჩანდა მმართველი გუნდის ინტერესი საპარლამენტო და პრეზიდენტის არჩევის წესსა და ქორწინების დეფინიციასთან დაკავშირებით, ამიტომ მან არ გაიზიარა შენიშვნები და წინადადებები ამ საკითხებზე. სხვა თემებზე კი უმრავლესობა მზად იყო თანამსრომლობისთვის.
კრიტიკა დაიმსახურა ინკლუზიურობის ნაკლებობა კომისიაში. მუშაობაში არ იყვნენ ჩართულნი კონკრეტულ სფეროებში მომუშავე სპეციალიზებული ( მაგ, ეკონომიკაში, გარემოს დაცვაში) ექსპერტები, რამაც მუშაობა გაართულა ამ საკითხზე.

უარყოფითად შეფასდა პრეზიდენტის გამიჯვნა კომისიისგან, რადგან ცვლილებათა ნაწილი სწორედ ამ ინსტიტუციასაც შეეხო.

როგორც დოკუმენტშია აღნიშნული, პროპორციულ სისტემაზე სრულად გადასვლის მიუხედავად, 5%-იანი ბარიერის შენარჩუნება და საარჩევნო ბლოკების გაუქმება ვერ უზრუნველყოფს საპარლამენტო პლურალიზმს. ვარაუდობენ, რომ ამის გამო გადაუნაწილებელ მანდატთა რაოდენობა 20%-ზე მეტს მიაღწევს, ხოლო ამ მანდატების მიცემა მხოლოდ პირველ ადგილზე გასული პარტიისთვის უფრო დიდ დისპროპორციას გამოიწვევს ამომრჩეველთა ხმებსა და მიღებულ ადგილებს შორის.

„საერთაშორისო გამჭვირვალობა-საქართველომ“ უარყოფითად შეაფასა შემდეგი საკონსტიტუციო ცვლილებები: პარლამენტის საარჩევნო სისტემა; პრეზიდენტის არჩევის წესი; მთავრობის სრულად განახლების შესაძლებლობა პარლამენტის თანხმობის გარეშე; სახელმწიფო ფინანსებსა და ბიუჯეტზე პარლამენტის არასაკმარისი კონტროლი; უზენაესი სასამართლოს დაკომპლექტების წესის ცვლილება; მოსამართლეთა გამოსაცდელი ვადა; იუსტიციის უმაღლესი საბჭოს არჩევა პარლამენტის მიერ; საკონსტიტუციო სასამართლოს მოსამართლეთა დაკომპლექტების წესი; მოსამართლეთა შერჩევა-დანიშვნის პროცესი; ქორწინების დეფინიცია კონსტიტუციაში.

დადებითად შეფასდა შემდეგი ცვლილებები: ევროპული და ევროატლანტიკური კურსის ჩაწერა კონსტიტუციის გარდამავალ დებულებებში; ეკონომიკური თავისუფლების ცნების ასახვა და ახალი გადასახადის რეფერენდუმით განსაზღვრის წესის დატოვება კონსტიტუციაში; დროებითი საგამოძიებო კომისიის ფორმირებაში ოპოზიციის როლის გაძლიერება; პრემიერ-მინისტრის ვალდებულება ყოველწლიური მოხსენებით წარდგეს პარლამენტის წინაშე; მთავრობისთვის უნდობლობის გამოცხადების პროცედურის გამოცხადების გამარტივება; პროკურატურის დამოუკიდებლობის გარანტიების გაზრდა; ქალისა და მამაკაცის არსებითი თანასწორობის უზრუნველყოფა; საზოგადოებრივი მაუწყებლის დამოუკიდებლობის გარანტია; ინტერნეტის ხელმისაწვდომობა კონსტიტუციით იქნება გარანტირებული; მოსამართლისთვის იმუნიტეტის მოხსნის პროცედურა; მოსამართლეთა შეუცვლელობის პრინციპი; იუსტიციის უმაღლესი საბჭოს ფუნდამენტური მიმართულების დადგენა.

შეგახსენებთ, რომ სახელმწიფო საკონსტიტუციო კომისია 2016 წლის 15 დეკემბერს შეიქმნა, ხოლო ბოლო სხდომა 2017 წლის 22 აპრილს გამართა.

ანა მებურიშვილი

არც პრინციპებს ვიცვლი და არც პირობებს - ეკა ბესელია

16 ნოემბერი, 2019 , 16:10

დამოუკიდებელი დეპუტატი, ეკა ბესელია ბოლო დროს ქვეყანაში განვითარებულ მოვლენებს სოციალური ქსელით ეხმაურება. როგორც მან სოციალურ ქსელში დაწერა, ფეისბუქ მეგობრებიდან შლის იმ ადამიანებს, ვინც ვერ გაიგო, რომ ის ხალხთან დგას დ

კუნძულ კვიპროსზე ნაეკლესიარი აღმოაჩინეს, რომელიც ქართველი ბერების მოღვაწეობას უკავშირდება

16 ნოემბერი, 2019 , 14:41

ივანე ჯავახიშვილის სახელობის თბილისის სახელმწიფო უნივერსიტეტის არქეოლოგიურმა ექსპედიციამ სტუდენტების მონაწილეობით, კუნძულ კვიპროსზე, სოფელ სოფტადესში ნაეკლესიარი აღმოაჩინა, რომელიც ქართველი ბერების კუნძულ კვიპროსზე მოღვა

მთავრობამ მიწის ნაკვეთებზე საკუთრების უფლების რეგისტრაციის პროცედურის გამარტივების მიზნით, პარლამენტს საკანონმდებლო ცვლილებები წარუდგინა

16 ნოემბერი, 2019 , 14:10

საქართველოს მთავრობამ მიწის ნაკვეთებზე საკუთრების უფლების რეგისტრაციის პროცედურის გამარტივების მიზნით, პარლამენტს საკანონმდებლო ცვლილებები წარუდგინა. ცვლილებები „სახელმწიფო პროექტის ფარგლებში მიწის ნაკვეთებზე უფლებ

„გრცხვენოდეთ”, “მონებო“ - აქციის მონაწილეებმა საპარლამენტო უმრავლესობის წევრები „ქართული ოცნების“ ოფისიდან შეძახილებით გააცილეს

16 ნოემბერი, 2019 , 13:36

„ქართული ოცნების“ ოფისთან ხმაური და დაპირისპირება გრძელდება. სხდომის დასრულების შემდეგ შენობიდან გამოსულ დეპუტატებს აქციის მონაწილეები შეძახილებით შეხვდნენ. შეხლა-შემოხლა მას შემდეგ დაიწყო, რაც „ქართული

“ქართული ოცნების“ ოფისთან სამართალდამცველებსა და აქციის მონაწილეებს შორის დაპირისპირება მოხდა

16 ნოემბერი, 2019 , 13:29

„ქართული ოცნების“ ცენტრალურ ოფისთან, სადაც საპარლამენტო უმრავლესობის სხდომა მიმდინარეობდა, ხმაური და დაპირისპირება მოხდა. აქციის მონაწილეები „ქართული ოცნების“ ოფისის ორივე შესასვლელთან იყვნენ განლ

შემოსავლების სამსახურს, თავისი საბაჟოთი, არც ერთი შეცდომა არ ეპატიება, ლიმიტი დამთავრდა -გიორგი გახარია

16 ნოემბერი, 2019 , 13:20

უახლოესი 10-15 წლის განმავლობაში სამუშაო ადგილები, განათლება და უსაფრთხოება იქნება ყველას გამოწვევა; ამ ყველაფერს სჭირდება ფინანსური სტაბილურობა და გამართული ფისკალური პოლიტიკა, - ამის შესახებ საქართველოს პრემიერ-მინისტრ