უკან

უახლესი ამბები

დღის კალენდარი

ანონსები

არქივი

ეკონომიკა

2 ნოემბერი, 2016 15:55
font-size

საერთაშორისო კონფერენციაზე მეცხოველეობის დარგის განვითარების საკითხებზე იმსჯელეს

მეცხოველეობის დარგის განვითარების მნიშვნელობაზე და ამ მიმართულებით საერთაშორისო გამოცდილების გაზიარების კუთხით საერთაშორისო კონფერენცია - „საერთაშორისო გამოცდილება - მეცხოველეობის დარგში ინვესტირებისა და წარმატებისთვის კავკასიის რეგიონში“ გაიმართა. ღონისძიება კომპანიის „კავკასიის გენეტიკა“ და კანადის სოფლის მეურნეობის, მეტყევეობისა და სოფლის განვითარების სამინისტროს - ალბერტას (Alberta Ministry of Agriculture, Forestry and Rural Development) ორგანიზებით, ასევე საქართველოს სოფლის მეურნეობის სამინისტროს და ფერმერთა ასოციაციის მხარდაჭერით ჩატარდა.

სამინისტროს ცნობით, კონფერენციის ფარგლებში, მსოფლიოში მეცხოველეობის მიმართულების ფერმერული მეურნეობების განვითარების საკითხები განიხილეს. ღონისძიების მონაწილეებმა საქართველოში მეცხოველეობის დარგში არსებულ პოტენციალზე, დარგის განვითარების პერსპექტივებსა და აღნიშნული მიმრთულებით ინვესტირების შესაძლებლობებზე იმსჯელეს.

კონფერენციის მონაწილეებს მისასალმებელი სიტყვით მიმართა სოფლის მეურნეობის მინისტრმა, ლევან დავითაშვილმა. მინისტრმა აღნიშნა, რომ საქართველოს სოფლის მეურნეობის დარგისთვის მეცხოველეობის სექტორის განვითარება მნიშვნელოვანია.

,,კონფერენციის მიზანია საერთაშორისო გამოცდილების გაზიარება მეცხოველეობის მიმართულებით. ამ კუთხით მნიშვნელოვანია ჯიშთა გამოცდა და გენეტიკური გაუმჯობესება, რაც საქონლის პროდუქტიულობას მნიშვნელოვნად გაზრდის, რაც ქართველ ფერმერთა შემოსავლების ზრდას და ეკონომიკური მდგომარეობის გაუმჯობესებას უზრუნველყოფს. ჩვენი ქვეყნისთვის მეცხოველეობის სექტორი ძალიან მნიშვნელოვანია, ფაქტობრივად ეს არის საქართველოს სოფლის მეურნეობის წარმოების ნახევარი. შესაბამისად, აღნიშნული სექტორის განვითარება და პროდუქტიულობის ზრდა პირდაპირ კავშირშია ჩვენი ფერმერების კეთილდღეობასთან. ჯიშთა გამოცდისა და გენეტიკური გაუმჯობესებების მიმართულებით სოფლის მეურნეობის სამინისტროს სამეცნიერო-კვლევითი ცენტრი აქტიურად მუშაობს, თუმცა საერთაშორისო გამოცდილების გაზიარება მნიშვნელოვანია“,- აღნიშნა ლევან დავითაშვილმა.

როგორც კომპანიის „კავკასიის გენეტიკა“ წარმომადგენელმა, თამარ ყაჭაშვილმა აღნიშნა, კომპანია „კავკასიის გენეტიკა“ 2006 წლიდან დღემდე სოფლის მეურნეობის სექტორში, მეცხოველეობის მიმართულებით, აქტიურად მუშაობს. კომპანია სანაშენე საქმიანობაში ახალი ტექნოლოგიების დანერგვას, მსხვილფეხა რქოსანი პირუტყვის მოშენებას და ხელოვნური განაყოფიერების გზით ჯიშობრივ გაუმჯობესებას უწყობს ხელს უწყობს.

მეცხოველეობის დარგის განვითარების მნიშვენლობაზე და ქვეყანაში არსებულ პოტენციალზე გაამახვილა ყურადღება საქართველოს ფერმერთა ასოციაციის თავმჯდომარემ, ნინო ზამბახიძემ.

ღონისძიებას ესწრებოდნენ საქართველოს სოფლის მეურნეობის სამინისტროსა და მის სისტემაში შემავალი უწყებების, კანადის სოფლის მეურნეობის, მეტყევეობისა და სოფლის განვითარების სამინისტროს - ალბერტას, კანადის სავაჭრო პალატის, მეცხოველობის დარგში მომუშავე კანადის წამყვანი კომპანიების წარმომადგენლები. კონფერენციაში მონაწილეობდნენ მეცხოველეობის დარგის ექსპერტები, უცხოელი სპეციალისტები და მეცხოველეობის ორგანიზაციების წარმომადგენლები (ესტონეთი, ისრაელი, სომხეთი), ვეტერინარები და ზოოტექნიკოსები, ასევე ფერმერები, ფერმერული ასოცოაციების და სასოფლო-სამეურნეო კოოპერატივების წარმომადგენლები.

კონფერენციის ფარგლებში, სოფლის მეურნეობის მინისტრის პირველი მოადგილე ნოდარ კერესელიძე მეცხოველეობის სექტორის კანადური კომპანიების წარმომადგენლებს შეხვდა. შეხვედრაზე ქვეყნებს შორის მეცხოველეობის მიმართულებით თანამშრომლობის საკითხები განიხილეს.

ნათია თურნავამ საერთაშორისო სავალუტო ფონდისა და მსოფლიო ბანკის წლიური შეხვედრის ფარგლებში გამართულ დისკუსიაში მიიღო მონაწილეობა

23 ოქტომბერი, 2020 , 11:05

ეკონომიკის სამინისტროს ინფორმაციით, ნათია თურნავამ მაღალი დონის დისკუსიაში მიიღო მონაწილეობა, რომელიც საერთაშორისო სავალუტო ფონდისა და მსოფლიო ბანკის წლიური შეხვედრის ფარგლებში გაიმართა. დისკუსიაში „ციფრული ევროპა

გიორგი გახარია მსხვილ დამსაქმებლებთან შეხვედრაზე - ჩვენი სტრატეგიაა ბალანსის დაჭერა, რაც წერტილოვან ღონისძიებებს გულისხმობს, სისტემური ჩაკეტვები ქვეყანაში არ იქნება

20 ოქტომბერი, 2020 , 17:15

სისტემური ჩაკეტვები ქვეყანაში არ იქნება, ისეთი სისტემური ჩაკეტვები, რომლებიც ეკონომიკაზე პირდაპირ ზემოქმედებას მოახდენს, - ამის შესახებ საქართველოს პრემიერ-მინისტრმა გიორგი გახარიამ, მსხვილ დამსაქმებლებთან შეხვედრისას გა

ეროვნულმა ბანკმა სავალუტო აუქციონზე 30 მილიონი დოლარი გაყიდა

19 ოქტომბერი, 2020 , 17:40

დღეს საქართველოს ეროვნულმა ბანკმა სავალუტო აუქციონზე 30 მილიონი აშშ დოლარი გაყიდა. "2020 წლის 19 ოქტომბერს გამართულ საქართველოს ეროვნული ბანკის სავალუტო აუქციონზე სებ-მა 30 000 000 აშშ დოლარი გაყიდა. საშუალო შეწონილმა გა

პროდუქციის ექსპორტი 12.1%-ით, ხოლო იმპორტი 15.9%-ით შემცირდა - „საქსტატი“

19 ოქტომბერი, 2020 , 12:35

„საქსტატის“ წინასწარი მონაცემებით, მიმდინარე წლის 9 თვეში საქართველოდან პროდუქციის ექსპორტი 12.1%-ით, ხოლო იმპორტი 15.9%-ით შემცირდა. 2020 წლის იანვარ-სექტემბერში საქართველოში საქონლით საგარეო სავაჭრო ბრუნვამ

საერთაშორისო სავალუტო ფონდის ახალი პროგნოზით, საქართველოს ეკონომიკა ევროპასა და რეგიონში 2021-2025 წლებში ყველზე მაღალი ტემპებით გაიზრდება

14 ოქტომბერი, 2020 , 14:25

საერთაშორისო სავალუტო ფონდის ახალი პროგნოზით, საქართველოს ეკონომიკა ევროპასა და რეგიონში 2021-2025 წლებში ყველზე მაღალი ტემპებით გაიზრდება, - ასეთია განახლებული პროგნოზი, რომელიც ასახულია საერთაშორისო სავალუტო ფონდის გლო

საქართველოს ეკონომიკა თანდათან პოზიტიურ განვითარებას უბრუნდება - ნათია თურნავა

13 ოქტომბერი, 2020 , 16:55

საქართველოს ეკონომიკა თანდათან უბრუნდება პოზიტიურ განვითარებას. გამოქვეყნდა სექტემბრის თვის საგარეო ვაჭრობის სტატისტიკა და ძალიან სასიხარულოა, რომ ჩვენი ექსპორტი სექტემბერში 8.6 პროცენტით გაიზარდა. პარალელურად, იმპორტი შ