უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
არქივი
ეკონომიკა
საერთაშორისო მოგზაურობიდან შემოსავალი 101 მილიონი აშშ დოლარით გაიზარდა
წინასწარი მონაცემებით, 2019 წლის იანვარ-მაისში შემოსავალი საერთაშორისო მოგზაურობიდან საქართველოში 1.1 მილიარდი აშშ დოლარია, (ზრდა +9.8%) რაც 101 მილიონი აშშ დოლარით მეტია წინა წლის ანალოგიურ მაჩვენებელზე.
ტურიზმის ეროვნული ადმინისტრაციის ინფორმაციით, 2019 წლის მაისის მონაცემებით, შემოსავალი საერთაშორისო მოგზაურობიდან საქართველოში შეადგენს 281 მილიონ აშშ დოლარს (ზრდა +14.2%), რაც 35 მილიონი აშშ დოლარით მეტია 2018 წლის მაისთან შედარებით.
„ის, რომ საქართველოში თვიდან-თვემდე მატულობს უცხოელი ტურისტების რაოდენობა, ეს მხოლოდ მშრალი სტატისტიკაა. ძალიან სასიხარულოა რომ იზრდება მაღალმხარჯველიანი ტურისტების რაოდენობაც და შესაბამისად მნიშვნელოვნად იზრდება შემოსავლები საერთაშორისო მოგზაურობიდან. ჩვენი მარკეტინგული კამპანიის მიზანია ავითვისოთ ახალი ტურისტული ბაზრები და საქართველოში უფრო მეტი მაღალმხარჯელუნარიანი ტურისტი მოვიზიდოთ ევროკავშირის ქვეყნებიდან, აშშ-დან და ახლო აღოსავლეთიდან“, - ნათქვამია განცხადებაში.