უკან
სამართალი
28 დეკემბერი, 2017 10:50
საფრანგეთში ქართველის დაჭრაში ბრალდებული საქართველოს მოქალაქე დააკავეს
საფრანგეთში საქართველოს მოქალაქე დააკავეს, რომელიც ქართველის დაჭრაშია ეჭვმიტანილი.
ადგილობრივი მედიის ინფორმაციით, ლონჟედუას კომუნაში მდებარე თავშესაფრის მაძიებელთა ცენტრში ორი მამაკაცი ერთმანეთს დაუპირისპირდა.
ინციდენტის დროს ისინი ალკოჰოლური ზემოქმედების ქვეშ იყვნენ. ჩხუბის დროს ერთ-ერთმა ცივი იარაღით დაზიანებები მიაყენა მეორეს, შემდეგ კი შემთხვევის ადგილიდან მიიმალა.
დაჭრილი 33 წლის მამაკაცის მდგომარეობა მძიმეა. მას რამდენიმე ჭრილობა აქვს, მათ შორის ფილტვი არეში.
ეჭვმიტანილი საქართველოს მოქალაქე ქალაქ ბრიუდის რკინიგზის სადგურზე დღეს დილით დააკავეს.