მსოფლიო

საფრანგეთში თავდასხმის შედეგად ერთი პოლიციელი დაიღუპა, ორი დაშავდა

პარიზში, ელისეის მინდვრებზე მომხდარი თავდასხმის შედეგად, ერთი პოლიციელი დაიღუპა, ორი დაშავებულია. თავდამსხმელი კი, ადგილზე იქნა ლიკვიდირებული.

შემთხვევა გვიან ღამით მოხდა. მომხდარზე პასუხისმგებლობა „ისლამურმა სახლემწიფომ“ აიღო, რომელმაც განაცხადა, რომ თავდამსხმელი მისი „მებრძოლია“.

პარიზის პროკურორმა ფრანსუა მოლენმა განაცხადა, რომ თავმდამსხმელის ვინაობა დადგენილია, თუმცა მისი ვინაობა არ დაუასახელებია. სავარაუდო თავდამსხმელის სახლში, გვიან ღამით, ჩხრეკა ჩატარდა.

ამასთან, ტელეარხი BFMTV იტყობინება, რომ თავდამსხმელი 39 წლის საფრანგეთის მოქალაქეა, რომელიც სპეცსამსახურებისთვის ცნობილი იყო.

საფრანგეთის პრეზიდენტმა ფრანსუა ოლანდმა კი განაცხადა, რომ სამართალდამცველებზე თავდასხმა ტერორისტულ ხასიათს ატარებდა.

ქვეყნის შსს-ს ინფორმაციით, თავდამსხმელის ავტომობილი პოლიციელების ავტობუსთან გაჩერდა. მამაკაცი მანქანიდან გადმოვიდა და ავტომატური იარაღიდან პოლიციელების მისამართით ცეცხლი გახსნა.

პოლიციელის მოკვლის შემდეგ, თავდამსხმელმა მიმალვა სცადა, რა დროს დანარჩენი პოლიციელები დაჭრა, თუმცა ტერორისტი საპასუხო ცეცხლით იქნა ლიკვიდირებული.

მონიკა დავლიანიძე