პოლიტიკა

საგარეო საქმეთა სამინისტროში საქართველოში ევროკავშირის ელჩია დაბარებული

ევროკავშირის სპეციალური წარმომადგენლის სამხრეთ კავკასიასა და საქართველოს კრიზისების საკითხებში ჰერბერტ ზალბერის ბიბილოვის მისამართით გაკეთებული განცხადების გამო საქართველოში ევროკავშირის ელჩი იანოშ ჰერმანი საგარეო საქმეთა სამინისტროშია დაბარებული, სადაც მინისტრის მოადგილეს დავით დონდუას ხვდება.

შეგახსენებთ, რომ ჰერბერტ ზალბერი გუშინ ოკუპირებული სამხრეთ ოსეთის ე.წ. პრეზიდენტ ანატოლი ბიბილოვს შეხვდა და აღნიშნული ე.წ. საპრეზიდენტო არჩევნებში გამარჯვება მიულოცა.

გერმანელი დიპლომატი ოკუპირებულ რეგიონში ევროკავშირის სხვა წარმომადგენლებთან ერთად იმყოფებოდა. მან ხაზი გაუსვა, რომ მხარეებმა უნდა შექმნან დოკუმენტი, სადაც ძალის გამოუყენებლობის შესახებ ვალდებულებას აიღებენ.

ანა მებურიშვილი