უკან

უახლესი ამბები

დღის კალენდარი

ანონსები

არქივი

საზოგადოება

20 სექტემბერი, 2018 17:30
font-size

საგზაო უსაფრთხოების დაცვის მიზნით, თბილისსა და რეგიონებში ახალი ვიდეოკამერები ამოქმედდა

საზოგადოებრივი უსაფრთხოებისა და მართლწესრიგის დაცვის მიზნით, დედაქალაქის მასშტაბით კიდევ 20 ზოგადი ხედვის ვიდეოკამერა სრული დატვირთვით ამოქმედდა.

შინაგან საქმეთა სამინისტროს ინფორმაციით, დღეის მდგომარეობით, საქართველოს მასშტაბით, 550 ვიდეოკამერა ფუნქციონირებს, მათ შორის, 306 ნომრის ამომცნობი და 244 ზოგადი ხედვის კამერა.

„საგზაო უსაფრთხოების დაცვის მიზნით, ხაშურისა და ბორჯომის საავტომობილო გზის მონაკვეთის ორ ლოკაციაზე, ორმხრივი მიმართულებით, საავტომობილო სიჩქარის კონტროლის ორი სექცია ამოქმედდა.

ასევე, სამი სიჩქარის მზომი წერტილოვანი რადარი ამოქმედდა კახეთის რეგიონში, კერძოდ, თელავში, სოფელი ვარდისუბნისა და სოფელი ნასამხარალის საავტომობილო გზის მონაკვეთზე. დღეის მდგომარეობით, სრული დატვირთვით ფუნქციონირებს სიჩქარის მზომი 23 წერტილოვანი რადარი.
საქართველოს მასშტაბით კი ჯამში 253 კმ სიგრძის საავტომობილო გზა კონტროლდება სიჩქარის სექციური კონტროლის სისტემით“,- აღნიშნულია შსს-ს ინფორმაციაში.

ამასთან, უწყების ცნობით, შინაგან საქმეთა სამინისტროს მომსახურების სააგენტომ, ვიდეოჯარიმების შესახებ მოქალაქეთა დროულად ინფორმირების მიზნით, მომხმარებელთა სატელეფონო მონაცემების ბაზაში მობილური ტელეფონის ნომრის განახლების პროცესი გაამარტივა.

„მოქალაქეს, პერსონალური მონაცემების მაქსიმალური დაცვით, მონაცემთა ბაზაში საკუთარი მობილური ტელეფონის ნომრის დისტანციურად შეცვლის შესაძლებლობა აქვს. სატელეფონო ნომრის შესაცვლელად, ავტომანქანის მფლობელები უნდა დაუკავშირდნენ მომსახურების სააგენტოს, ცხელ ხაზზე – 2 41 91 91. შემდეგ, პიროვნების იდენტიფიცირების მიზნით, ოპერატორს უნდა უკარნახონ სახელი, გვარი, პირადი ნომერი, დაბადების თარიღი, თავიანთ მფლობელობაში არსებული ავტომანქანის სახელმწიფო ნომერი, ტექმოწმობის ან შასის/vin კოდის ბოლო 4 ციფრი და განაახლონ მობილური ტელეფონის ნომერი. ავტოსატრანსპორტო საშუალების მფლობელები შინაგან საქმეთა სამინისტროს მომსახურების სააგენტოს მომხმარებელთა სატელეფონო მონაცემების ბაზაში დაფიქსირებულ ტელეფონის ნომერზე მიიღებენ მოკლე ტექსტურ შეტყობინებას ვიდეოჯარიმის გამოწერის შესახებ.

ჯარიმის შესახებ შეტყობინების მიღებიდან 10 დღის განმავლობაში გადახდის შემთხვევაში, მოქალაქე სარგებლობს 20%-იანი შეღავათით. იმ შემთხვევაში, თუ პირი ვიდეოჯარიმას მოკლე ტექსტური შეტყობინების მიღებიდან 10 დღის ვადაში არ გადაიხდის, საჯარიმო ქვითარი, რეგისტრაციის ადგილის მიხედვით, მას ფოსტის მეშვეობით ეგზავნება, ხოლო ვიდეოჯარიმის რეგისტრაციის ადგილის მიხედვით ჩაუბარებლობის შემთხვევაში, 30-დან 60 დღის ვადაში, პირს ვიდეოჯარიმა განმეორებით ეგზავნება.

საგზაო უსაფრთხოების სფეროში მიმდინარე რეფორმების წარმატებით განხორციელება შინაგან საქმეთა სამინისტროს ერთ-ერთ ძირითად პრიორიტეტს წარმოადგენს. აღნიშნული რეფორმების მიზანია საქართველოს გზებზე მაქსიმალური უსაფრთხოებისა და მართლწესრიგის უზრუნველყოფა.

ეროვნული ვიდეოსამეთვალყურეო სისტემის განვითარების მიმართულებით განხორციელებული ღონისძიებების შედეგები ეტაპობრივად უკვე აისახა მიმდინარე წლის აგვისტოს თვეში მომხდარი ავტოსაგზაო შემთხვევების სტატისტიკურ მონაცემებში, კერძოდ, 2017 წლის ამავე პერიოდთან შედარებით, ავტოსაგზაო შემთხვევების შედეგად დაღუპულ პირთა რაოდენობა 36%-ით შემცირდა, დაშავებულ პირთა რაოდენობამ კი 5%-ით იკლო“,- აღნიშნულია შსს-ს ინფორმაციაში.

დიდი ლიახვის ხეობიდან და ახალგორიდან იძულებით გადაადგილებული ბავშვებისთვის, ეკო-გაკვეთილი გაიმართა

20 ივნისი, 2019 , 12:20

ეროვნული სატყეო სააგენტოს ინიციატივით, დიდი ლიახვის ხეობიდან და ახალგორიდან იძულებით გადაადგილებული ბავშვებისთვის, შიომღვიმეს მიმდებარედ, სახელმწიფო ტყის ფონდის ტერიტორიაზე, ეკო-გაკვეთილი გაიმართა. ამის შესახებ „მე

ხუთი მიზეზი რატომ აღარ უნდა იყოს გიორგი მიქაუტაძე უზენაესი სასამართლოს მოსამართლეობის კანდიდატი - ნაზი ჯანეზაშვილი

20 ივნისი, 2019 , 12:20

დაახლოებით ერთი თვის წინ გიორგი მიქაუტაძე თბილისის საქალაქო სასამართლოში დაინიშნა უვადო მოსამართლედ, ანუ 2047 წლამდე. ახლა კი მთელი რიგი პროცედურული დარღვევებით, რომელიც მისმა კანდიდატობამ გამოიწვა, ცდილობს, გაიკვლიოს გზ

თბილისის რამდენიმე რაიონს ელექტრომომარაგება დროებით შეეზღუდება

20 ივნისი, 2019 , 10:15

კომპანია „თელასის“ ინფორმაციით, გეგმურ-პროფილაქტიკური სამუშაოების ჩატარების გამო, თბილისის რამდენიმე რაიონში ელექტრომომარაგება დროებით შეიზღუდება. კრწანისის რაიონი – გეგმურ-პროფილაქტიკური სამუშაოების გა

საგამოცდო ბარათების ამობეჭდვა აპლიკანტებს დღეიდან შეეძლებათ

20 ივნისი, 2019 , 10:15

2019 წლის გამოცდების ჩაბარების მსურველები ბარათების ამობეჭდვას დღეიდან შეძლებენ. ამისთვის საჭიროა, აპლიკანტი რეგისტრაციის დროს გამოყენებული ელექტრონული ფოსტის მისამართითა და ცენტრის მიერ გაგზავნილი ხუთნიშნა კოდ

ქუთათელ-გაენათელი მიტროპოლიტი, მეუფე კალისტრატე გარდაიცვალა

20 ივნისი, 2019 , 10:15

ქუთათელ-გაენათელი მიტროპოლიტი, მეუფე კალისტრატე 80 წლის ასაკში გარდაიცვალა. მეუფე კალისტრატეს ჯანმრთელობის მდგომარეობა ბოლო დღეების განმავლობაში დამძიმდა. მეუფეს ქუთაისის ინტერვენციული მედიცინის ცენტრში ოპერაცია ჩაუტარდა

არცერთი სახელმწიფოს ელჩს უფლება არ აქვს ქვეყნის შიდა საკითხებში ჩაერიოს - „დაიცავი შენი წილი სამშობლო“

19 ივნისი, 2019 , 18:56

საერთაშორისო ასოციაცია „დაიცავი შენი წილი სამშობლო“ თბილისში ე. წ. გეი-პრაიდის ჩატარებასთან დაკავშირებით ზოგიერთი უცხოელი ელჩის მხარდამჭერ პოზიციას აპროტესტებს და ხელისუფლებას ადეკვატური რეაგირებისკენ მოუწოდე