ეკონომიკა
„საია“ ენერგეტიკის სამინისტროსგან „გაზპრომთან“ დადებული შეთანხმების შესახებ ინფორმაციას ითხოვს
ახალგაზრდა იურისტთა ასოციაცია, ენერგეტიკის სამინისტროსგან „გაზპრომთან“ მიღწეული შეთანხმების შესახებ ინფორმაციას ითხოვს.
არასამათავრობო ორგანიზაციამ სამინისტროს შესაბამისი წერილობითი მოთხოვნით უკვე მიმართა.
საია უწყებას 2016 წლის 31 დეკემბერს ვადაგასული ხელშეკრულების ასლისა და ახალი შეთახნმების დოკუმენტის წერილობით წარდგენას სთოხვს.
ამასთან, როგორც ახალგაზრდა იურისტთა ასოციაციის პროექტის კოორდინატორმა სულხან სალაძემ განაცხადა, თუ აღნიშნულ ხელშეკრულება საიდუმლო ინფორმაციას წარმოადგენს, მაშინ სამინისტრომ წარადგინოს დოკუმენტი, რომლითაც დასტურდება, რომ საიდუმლო ინფორმაციის სტატუსის მინიჭება, კანონმდებლობის შესაბამისად მოხდა.
„თუკი ენერგეტიკის სამინისტროს მიაჩნია, რომ ეს ინფორმაცია, რასაც ჩვენ ვითხოვთ წარმოადგენს რომელიმე სახის საიდუმლო ინფორმაციას, ასევე ჩვენი მოთხოვნაა, რომ გასცეს ყველა ის ოფიციალური დოკუმენტი, რომელიც დაადასტურებს, რომ ამ ინფორმაციის საიდუმლოდ მიჩნევა საქართველოს კანონმდებლობით დადგენილი წესით მოხდა. ეს არის მოთხოვნა, რომელიც უნდა დააკმაყოფილოს ენერგეტიკის სამინისტრომ. ამ განცხადების წარდგენიდან, ანუ დღეიდან, მაქსიმუმი ვადა, ეს არის 10 სამუშაო დღე, როდესაც შეიძლება ამ ინფორმაციზე პასუხი გასცეს ენერგეტიკის სამინისტრომ. ჩვენ დაველოდებით ამ ვადას და პასუხს ენერგეტიკის სამინისტროდან. ამის შემდგომ მივიღებთ გადაწყვეტილებს, რა სამართლებრივი მექანიზმები შეიძლება გამოვიყენოთ შედგომ, რომ მივიღოთ ჩვენთვის სასურველი ინფორმაცია“,-აღნიშნა სალაძემ.
მონიკა დავლიანიძე