19.02.2019 13:05
რაჭაში დაკარგული 21 წლის მამაკაცის პოვნა ამ დრომდე ვერ ხერხდება
19.02.2019 12:50
იანვარში საქართველოს საგარეო ვაჭრობა ევროკავშირისა და დსთ-ს ქვეყნებთან შემცირდა
19.02.2019 12:50
კობა დავითაშვილი მთაწმინდის ოლქში პარლამენტის შუალედურ არჩევნებში იყრის კენჭს
19.02.2019 12:34
არც ანაკლიას, არც საკუთრივ „თიბისი ბანკს“ არანაირი საფრთხე არ ემუქრება - ივანე მაჭავარიანი
19.02.2019 12:26
რა მისწერა მამუკა ხაზარაძემ თანამშრომლებს
19.02.2019 12:15
თბილისის საკრებულომ და რუსთაველის საქართველოს ეროვნული სამეცნიერო ფონდმა მემორანდუმი გააფორმეს
19.02.2019 12:15
დღეიდან, ბიზნესს დღგ-ის ზედმეტობის დაბრუნება ავტომატურ რეჟიმში შეუძლია
19.02.2019 10:40
რუსთავში ჯგუფურად ჩადენილი ქურდობის ბრალდებით ორი პირი დააკავეს
19.02.2019 10:40
ქობულეთში ცხაურების ქურდობის ბრალდებით სამი პირი დააკავეს
19.02.2019 10:37
გარკვეულ პირებს ყველაზე მეტად ეშინიათ მამა გიორგის თავისუფლებაში ყოფნა - მიხეილ რამიშვილი (ვიდეო)

საზოგადოება

საია მიმართავს იუსტიციის უმაღლეს საბჭოს, არ დანიშნოს ლევან მურუსიძე და მაია სულხანიშვილი უვადო მოსამართლეებად შესაბამისი კანონმდებლობის მოწესრიგებამდე

„საქართველოს ახალგაზრდა იურისტთა ასოციაციის“ განცხადებით, იუსტიციის უმაღლესი საბჭოს გადაწყვეტილება, 3-წლიანი გამოსაცდელი ვადის ამოწურვამდე ლევან მურუსიძისა და მაია სულხანიშვილის მოსამართლეებად უვადოდ დანიშვნა, შესაბამისი შეფასების გარეშე ხდება და ეწინააღმდეგება საკონსტიტუციო სასამართლოს 2017 წლის 15 თებერვლის გადაწყვეტილებას.

საკონსტიტუციო სასამართლოს დასკვნის მიხედვით, არაკონსტიტუციურია საქართველოს პარლამენტის მიერ სასამართლო სისტემის რეფორმის ე.წ. მესამე ტალღის კანონმდებლობა. ცვლილებების მიხედვით, გამოსაცდელი ვადის მქონე მოსამართლეთა უვადო მოსამართლეებად დანიშვნა შესაძლებელია, თუკი მათ აქვთ საქართველოს უზენაეს და საკონსტიტუციო სასამართლოებში მუშაობის გამოცდილება.

საკონსტიტუციო კომისიის გადაწყვეტილებით, 3-წლიანი გამოსაცდელი ვადის ამოწურვა არ გულისხმობს ავტომატურად მოსამართლეებად მათ უვადო გამწესებას. მთავრობას დაევალა, იმუშაოს ახალ კანონმდებლობაზე, რომელიც განსაზღვრავს, რა კრიტერიუმს უნდა აკმაყოფილებდეს უვადო მოსამართლეობის კანდიდატი. შესაბამისად, საია მიმართავს პარლამენტს, გააცნოს, რა ხდება ამ კუთხით და რა ეტაპზეა მოსამართლეთა შერჩევის მარეგულირებელი კანონმდებლობა.

რაც შეეხება იუსტიციის უმაღლეს საბჭოს, საიაში ვარაუდობენ, რომ დაჩქარებული წესით, სათანადო შეფასების გარეშე მურუსიძისა და სულხანიშვილის დანიშვნა გამოწვეულია იმით, რომ ივნისში საბჭოს წევრთა უმრავლესობას უფლებამოსილება ეწურება. არასამთავრობო მიმართავს იუსტიციის უმაღლეს საბჭოს, შესაბამისი კანონმდებლობის მიღებამდე დააყოვნოს მოსამართლეთა უვადოდ დანიშვნის პროცედურა.

ანა მებურიშვილი