უკან
არქივი
პოლიტიკა
18 თებერვალი, 2017 13:30
საია პროკურატურის იუსტიციის სისტემიდან გამოსვლას ითხოვს
საკონსტიტუციო კომისიის მორიგ სხდომაზე "ახალგაზრდა იურისტთა ასოციაციამ" ინიციატივა წამოაყენა.
საია პროკურატურის იუსტიციის სისტემიდან გამოსვლას და დამოუკიდებელ ორგანოდ ჩამოყალიბებას ითხოვს.
,, საქართველოს კონსტიტუციაში პროკურატურა კვლავაც არის იუსტიციის სამინისტროს სისტემაში და იუსტიციის მინისტრის საერთო ხელმძღვანელობის ქვეშ.
ჩვენი პოზიცია არის ის, რომ პროკურატურა უნდა ჩამოყალიბდეს როგორც დამოუკიდებელი ორგანო და სრულებით გამოვიდეს იუსტიციის სამინისტროს სისტემიდან.
დღეს პარლამენტის თავმჯდომარემ მზადყოფნა გამოხატა, რომ ის მხარს დაუჭერს ამ უწყების დამოუკიდებელ ორგანოდ ქცევას’’, - განუცხადა ჟურნალისტებს საკონსტიტუციო კომისიის დასრულების შემდეგ საია-ს იურისტმა, გიორგი გოცირიძემ.
ნინო ექვთიმიშვილი