უახლესი ამბები
არქივი
ეკონომიკა
საინვესტიციო სააგენტოს გაუქმება იგეგმება - გიორგი კაკაურიძე
საინვესტიციო სააგენტოს გაუქმება იგეგმება, - განაცხადა ფინანსთა მინისტრის მოადგილემ გიორგი კაკაურიძემ პარლამენტის სამი კომიტეტის გაერთიანებულ სხდომაზე, სადაც 2017 წლის სახელმწიფო ბიუჯეტის საბოლოო პროექტის განხილვა მიმდინარეობდა.
როგორც კაკაურიძემ ბიუჯეტში რესურსების მობილიზებასა და ხარჯების შემცირებაზე საუბრისას აღნიშნა, მთავრობის დაქვემდებარებაში მყოფი ორგანიზაციებში იგეგმება ადმინისტრაციული ხარჯების შემცირება, ასევე იგიეგმება რიგი უწყებების გაუქმება.
”რამდენიმე უწყების გაუქმება არის დაგეგმილი და ეს ბიუჯეტშიც არის წარმოდგენილი. მათ შორის საინვესტიციო სააგენტოს გაუქმება არის დაგეგმილი და ცალკე უწყებად არ იქნება წარმოდგენილი. ის შეუერთდება ეკონომიკის სამინისტროს. ასევე უქმდება ეკონომიკური საბჭოს აპარატი და მცირდება კრიზისების მართვის საბჭოს აპარატის დაფინანსება”-განცხადა კაკაურიძემ.
ნინო ექვთიმიშვილი