პოლიტიკა

საკადრო ცვლილებები შსს-ში - თანამდებობას მინისტრის სამივე მოადგილე ტოვებს

შსს-ის სამივე მოადგილემ: შალვა ხუციშვილმა, მერაბ მალანიამ და დავით ვარდიაშვილმა თანამდებობიდან წასვლის შესახებ განცხადება დაწერეს. ინფორმაციას პირველი არხი ავრცელებს.

პოსტიდან წასვლის შესახებ განცხადებები დაწერეს თბილისის პოლიციის დეპარტამენტის უფროსმა გიორგი ალადაშვილმა და შინაგან საქმეთა სამინისტროს კრიმინალური პოლიციის ნარკოტიკების უკანონო ბრუნვის სამმართველოს უფროსმა რამაზ თარაშვილმა.

სავარაუდოდ, თანამდებობას დატოვებენ კრიმინალური პოლიციის ხელმძღვანელი დავით ნატრიაშვილი და საპატრულო პოლიციის დეპარტამენტის უფროსი ალექსანდრე ხვადაგიანი, ასევე ვაკანტური გახდება სამხარეო პოლიციის უფროსების პოსტებიც.

გიორგი გახარია საქართველოს პრემიერ-მინისტრმა გიორგი კვირიკაშვილმა ორშაბათს დანიშნა შს მინისტრად. გახარია ახალ უწყებაში მუშაობას გუშინ შეუდგა.