უკან

უახლესი ამბები

დღის კალენდარი

ანონსები

არქივი

საზოგადოება

4 ოქტომბერი, 2017 15:35
font-size

სახალხო დამცველი პარლამენტს ნარკოპოლიტიკის ეროვნული პლატფორმის ინიციატივის გაზიარებისკენ მოუწოდებს

საქართველოს სახალხო დამცველი პარლამენტს არსებული რეპრესიული ნარკოპოლიტიკის შეცვლისკენ მოუწოდებს.

ომბუდსმენის თქმით, ნარკოპოლიტიკის ლიბერალიზაციისთვის საკანონმდებლო ორგანომ უნდა გაითვალისწინოს ნარკოპოლიტიკის ეროვნული პლატფორმის მიერ შეთავაზებული წინადადებები.

ინიციატივა გულისხმობს ყველა ტიპის ნარკოტიკული საშუალების მოხმარების/მცირე ოდენობით შეძენა-შენახვისა და ნარკოტიკული საშუალების შემცველი მცენარის დათესვა, მოყვანა, კულტივირების დეკრიმინალიზაციას; იძულებითი ნარკოლოგიური შემოწმების წესის შეცვლას, რადგან ამჟამინდელი სისტემა ლახავს ადამიანის თავისუფლებისა და ღირსების ხელშეუხებლობის უფლებას; დადგინდეს ნარკოტიკული საშუალებების მცირე ოდენობები, რათა მოხდეს არაპროპორციულად მკაცრი სასჯელების შემსუბუქება.

„მედიანიუსი“ სახალხო დამცველის წერილს უცვლელად გთავაზობთ:

„სახალხო დამცველი ეხმიანება ნარკოპოლიტიკის ეროვნული პლატფორმის ავტორობით საქართველოს პარლამენტში წარდგენილ საკანონმდებლო ცვლილებებს, რომელიც მიზნად ისახავს სახელმწიფოს რეპრესიული ნარკოპოლიტიკის უფრო მეტად ლიბერალური და დაბალანსებული პოლიტიკით ჩანაცვლებას. საქართველოს სახალხო დამცველი მიესალმება ნარკოპოლიტიკის ეროვნული პლატფორმის მიერ შემუშავებულ საკანონმდებლო ცვლილებათა პაკეტის ძირითად სულისკვეთებას. ნარკოპოლიტიკის ლიბერალიზაციის მიმართულებით საქმიანობის ფარგლებში სახალხო დამცველი აქტიური თანამშრომლობა აკავშირებს ნარკოპოლიტიკის ეროვნულ პლატფორმასთან.

სახალხო დამცველი წლებია, საუბრობს ქვეყანაში არსებული რეპრესიული და არაჰუმანური ნარკოპოლიტიკის მძიმე შედეგებზე და სისტემური ცვლილებების გატარების აუცილებლობაზე. სახალხო დამცველი თავისი მანდატის ფარგლებში წლებია, ებრძვის არსებული ნარკოპოლიტიკის მანკიერ პრაქტიკას. ნარკომომხმარებლებისათვის პატიმრობის, როგორც არაჰუმანური სასჯელის კონსტიტუციურობის შემოწმების მიზნით, სახალხო დამცველმა 2016 წლის 15 ივნისს საკონსტიტუციო სასამართლოს მიმართა. 2015 წლის 20 ნოემბერს კი სახალხო დამცველმა საკონსტიტუციო სასამართლოს ე.წ. „ქუჩის ნარკოტესტირების“ კანონიერებასთან დაკავშირებით კონსტიტუციური სარჩელით მიმართა.

წარმოდგენილი ინიციატივით გათვალისწინებულია ყველა ტიპის ნარკოტიკული საშუალების მოხმარების/მცირე ოდენობით შეძენა, შენახვისა და ნარკოტიკული საშუალების შემცველი მცენარის დათესვა, მოყვანა, კულტივირების დეკრიმინალიზაცია. სახალხო დამცველი სრულიად იზიარებს ამ მიდგომას. სახალხო დამცველი მიიჩნევს, რომ ნებისმიერი ნარკოტიკული საშუალების ან/და სხვა ფსიქოტროპული ნივთიერებების მოხმარებაზე ან/და პირადი მოხმარების მიზნით, შედარებით მცირე ოდენობით შეძენა, შენახვა, დამზადებაზე სასჯელის სახით არ უნდა იყოს გათვალისწინებული თავისუფლების აღკვეთა. საქართველოს სახალხო დამცველი 2016 წლის 15 ივნისს საკონსტიტუციო სასამართლოში წარდგენილი კონსტიტუციური სარჩელით ითხოვდა ნარკოტიკული საშუალების მოხმარებისა და მცირე ოდენობით ფლობის სრულ დეკრიმინალიზაციას. სახალხო დამცველი მიიჩნევს, რომ აუცილებელია ქვეყანამ ჰუმანური ნარკოპოლიტიკა განახორციელოს და სადამსჯელო ღონისძიებების გატარებაზე მეტად რესურსები რეაბილიტაციასა და მკურნალობისაკენ მიმართოს.

სახალხო დამცველი ასევე იზიარებს პროექტით გათვალისწინებული იძულებითი ნარკოლოგიური შემოწმების წესის ცვლილებას. ქუჩის, შემთხვევითი შერჩევის საფუძველზე, ჩატარებული ნარკოტესტირების პრაქტიკა, რომელზეც წლებია სახალხო დამცველი საპარლამენტო ანგარიშებში საუბრობს, ეწინააღმდეგება საქართველოს კონსტიტუციას, ინტენსიურად და უხეშად აზიანებს პირის თავისუფლებისა და ღირსების ხელშეუხებლობის უფლებას, საკუთარი თავის წინააღმდეგ ჩვენების არმიცემისა და სამართლიანი სასამართლო განხილვის პრინციპებს, ისევე როგორც საერთაშორისო სტანდარტებს. ამ პრობლემის საპასუხოდ, საქართველოს სახალხო დამცველმა 2015 წლის 20 ნოემბერს საკონსტიტუციო სასამართლოში წარდგენილი კონსტიტუციური სარჩელით მოითხოვა კონკრეტული სამართლებრივი აქტების არაკონსტიტუციურად ცნობა.

განსაკუთრებით მნიშვნელოვანია საკანონმდებლო პაკეტით შემოთავაზებული ინიციატივა – დადგინდეს ნარკოტიკული საშუალებების მცირე ოდენობები. განსაზღვრული მცირე ოდენობების არარსებობა მძიმე პრობლემას წარმოადგენ, რის გამოც ხდება აბსოლუტურად არათანაზომიერი საპატიმრო სასჯელების გამოყენება. აუცილებელია ე.წ. ახალი ფსიქოაქტიური ნივთიერებების მომწესრიგებელი კანონმდებლობის ცვლილება, არაპროპორციულად მკაცრი სასჯელების შემსუბუქების მიზნით.

ყოველივე ზემოაღნიშნულიდან გამომდინარე, მიგვაჩნია, რომ წარმოდგენილი საკანონმდებლო ცვლილებები დადებითად აისახება ნარკოტიკების მომხმარებელთა სამართლებრივ და სოციალურ მდგომარეობაზე. შესაბამისად, საქართველოს სახალხო დამცველი საქართველოს პარლამენტს ქვეყანაში არსებული არაჰუმანური და რეპრესიული ნარკოპოლიტიკის შეცვლისკენ მოუწოდებს. ამასთან, სახალხო დამცველი მზადყოფნას გამოთქვამს, ჩაერთოს და მონაწილეობა მიიღოს საკანონმდებლო ინიციატივის განხილვის პროცესში და წარადგინოს მოსაზრებები კანონპროექტის გარკვეული დებულებების დახვეწის მიზნით“, - ნათქვამია განცხადებაში.

ანა მებურიშვილი

საგარეო საქმეთა სამინისტროში საზღვარგარეთ არსებული საკვირაო სკოლებისათვის შექმნილი სახელმძღვანელოს პრეზენტაცია გაიმართა

17 ნოემბერი, 2018 , 17:25

საქართველოს საგარეო საქმეთა სამინისტროში, საზღვარგარეთ არსებული საკვირაო სკოლებისათვის შექმნილი სახელმძღვანელოს პრეზენტაცია გაიმართა. სპეციალური სამსაფეხურიანი სახელმძღვანელო, რომელიც მშობლიური ენის სწავლებასთან ერთად მო

ირლანდიაში ყოველწლიური სემინარი „საქართველოს ევროპული გზა“ გაიმართა

17 ნოემბერი, 2018 , 16:55

2018 წლის 16 ნოემბერს, დუბლინში, საქართველოს საელჩოს ორგანიზებით, ევროკომისიის წარმომადგენლობისა და ევროპარლამენტის საინფორმაციო ოფისის შენობაში - ევროპის სახლში (Europe House) გაიმართა ყოველწლიური სემინარი „საქართ

დედათა და ბავშვთა სიკვდილიანობის კლების ტენდენცია გამოიკვეთა, რაც ნიშნავს, რომ ცალსახად სწორი გზით მივდივართ - დავით სერგეენკო

17 ნოემბერი, 2018 , 16:00

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, დავით სერგეენკომ განაცხადა, რომ გატარებული რეფორმის შედეგად ქვეყანაში დედათა და ბავშვთა სიკვდილიანობის კლების ტენდენცი

ზემო ფონიჭალაში, აფეთქების ადგილზე სამძებრო სამუშაოებში მონაწილე მაშველებს ფულადი ჯილდო გადაეცემათ

17 ნოემბერი, 2018 , 16:00

ზემო ფონიჭალაში, აფეთქების ადგილზე სამძებრო-სამაშველო სამუშაოებში მონაწილე მაშველებს ფულადი ჯილდო გადაეცემათ, – ამის შესახებ საგანგებო სიტუაციების მართვის სამსახურის ხელმძღვანელის მოვალეობის შემსრულებელმა, შალვა ხუ

ბოლო წლებში, საქართველომ მნიშვნელოვანი ძალისხმევა გაწია გარემოს დაცვისა და ბიომრავალფეროვნების აღდგენის სფეროში - ლევან დავითაშვილი

17 ნოემბერი, 2018 , 14:50

გარემოს დაცვისა და სოფლის მეურნეობის მინისტრმა, ლევან დავითაშვილმა ბაქოში გამართულ საერთაშორისო კონფერენციაში „თანამშრომლობა საფრთხის წინაშე მყოფი სახეობების აღდგენის მიზნით" მიიღო მონაწილეობა. სიტყვით გამოსვლისას,

,,ქართული ოცნების“ ცენტრალურ ოფისთან დაზარალებული მეანაბრეების აქცია მიმდინარეობს

17 ნოემბერი, 2018 , 13:45

,,ქართული ოცნების“ ცენტრალურ ოფისთან საფინანსო კომპანია ,,საქართველოს“ მიერ დაზარალებული მეანაბრეების აქცია მიმდინარეობს. აქციის მონაწილეები უკვე მესამე კვირაა, ბიძინა ივანიშვილთან და კახი კალაძესთან შეხვედრა

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`