უკან

უახლესი ამბები

დღის კალენდარი

ანონსები

არქივი

საზოგადოება

31 მარტი, 2017 18:30
font-size

სახალხო დამცველი სექსუალური შევიწროების წინააღმდეგ კანონმდებლობის მოწესრიგებას ითხოვს

სახალხო დამცველის აპარატის განცხადებით, დღეს საჯარო დებატები გაიმართა სექსუალური შევიწროების მიმართულებით არსებულ სიტუაციასა და მათი გადაჭრის გზებზე.

ომბუდსმენმა აღნიშნა, რომ საქართველოში ხშირია სექსუალური შევიწროების ფაქტების გამოვლენისას მსხვერპლის დადანაშაულება. მისი თქმით, ის კიდევ ერთხელ მიმართავს შესაბამის უწყებებს, რათა კანონმდებლობა მოწესრიგდეს სექსუალური შევიწროების წინააღმდეგ და სამსახურებში შიდაინსტიტუციური რეაგირების მექანიზმები იყოს დანერგილი.

„2017 წლის 31 მარტს სახალხო დამცველმა გამართა მორიგი საჯარო დებატები, რომელიც სექსუალური შევიწროვების საკითხს მიეძღვნა. დებატებზე იმსჯელეს სექსუალური შევიწროების კუთხით არსებულ გამოწვევებსა და მათი გადაჭრის შესაძლო გზებზე. ასევე განიხილეს სექსუალური შევიწროების შემთხვევების პრევენციის, გამოვლენისა და რეაგირების საკითხები.

სახალხო დამცველმა უჩა ნანუაშვილმა ხაზი გაუსვა სექსუალური შევიწროვების შემთხვევაში მსხვერპლის დადანაშაულების პრაქტიკასა და შემთხვევებზე რეაგირების მექანიზმების არ არსებობას. 2017 წლის 28 მარტს სახალხო დამცველმა საქართველოს პარლამენტის იურიდიულ საკითხთა კომიტეტს სპეციალური წინადადებითაც მიმართა სექსუალურ შევიწროებასთან დაკავშირებით, რომელიც „სტამბოლის კონვენციით“ აღებული ვალდებულებების შესრულებას ეხება და მოითხოვა კანონმდებლობით სექსუალური შევიწროების დარეგულირება.

„ჩვენ კვლავ აქტიურად მოვითხოვთ საკითხის საკანონმდებლო მოწესრიგებას, თუმცა საკანონმდებლო რეგულირებასთან ერთად, დიდი მნიშვნელობა ენიჭება დამსაქმებელთა მიერ შიდა ინსტიტუციური რეაგირების მექანიზმების დანერგვას. ამ მხრივ აღსანიშნავია სახალხო დამცველის აპარატის პრაქტიკა სექსუალური შევიწროების პრევენციისათვის შიდა უწყებრივი რეაგირების მექანიზმის შემოღების შესახებ“, – განაცხადა უჩა ნანუაშვილმა.

საზოგადოების ცნობიერების ამაღლების მიზნით სახალხო დამცველის ვებ-გვერდზე გაეროს ქალთა ორგანიზაციის დახმარებით მომზადდა ელექტრონული სასწავლო კურსი სექსუალური შევიწროების საკითხებზე.

დებატებზე მოხსენებით წარსდგნენ სახალხო დამცველის მოადგილე ეკატერინე სხილაძე, პარლამენტის გენდერული თანასწორობის საბჭოს წარმომადგენელი დიმიტრი ცქიტიშვილი, ქალთა საინფორმაციო ცენტრის წარმომადგენელი მარი წერეთელი და არასამთავრობო ორგანიზაცია „საფარის“ ხელმძღვანელი ბაია პატარაია.

ევროკავშირის პროექტის „საქართველოს სახალხო დამცველის აპარატის ხელშეწყობა II“ მიერ დაფინანსებული სახალხო დამცველის საჯარო დებატები სხვადასხვა აქტუალურ თემაზე ყოველი თვის ბოლო პარასკევს იმართება“, - წერია განცხადებაში.

პრეზიდენტი გორთან მომხდარი ავტოსაგზაო შემთხვევისას დაღუპული მოქალაქეების ოჯახებს უსამძიმრებს

30 ოქტომბერი, 2020 , 14:15

საქართველოს პრეზიდენტი სალომე ზურაბიშვილი გუშინ, გორთან მომხდარი ავტოსაგზაო შემთხვევისას დაღუპული მოქალაქეების ოჯახებს უსამძიმრებს. ამის შესახებ მან საკუთარ "ფეისბუკის" გვერდზე დაწერა. „მწუხარებას გამოვთქვამ გორთან

რა რაოდენობის თანხა შესწირეს მაჟორიტარი დეპუტატობის კანდიდატებმა პარტიებს

30 ოქტომბერი, 2020 , 12:45

მმართველი პარტიის „ქართული ოცნების” 30 მაჟორიტარი კანდიდატიდან შვიდმა, მათი ოჯახის წევრებისა და ბიზნესპარტნიორების ჩათვლით, 2020 წლის იანვრის შემდეგ პარტიას 1,035,000 ლარი შესწირეს. ამის შესახებ “საერთა

არჩევნების დღეს განსაკუთრებული რეჟიმით ვიმუშავებთ - „ენერგო-პრო ჯორჯია“

30 ოქტომბერი, 2020 , 12:45

31 ოქტომბერს, არჩევნების დღეს, ,,ენერგო-პრო ჯორჯია“ განსაკუთრებული რეჟიმით იმუშავებს. ყველა რაიონში, 24 საათის განმავლობაში იმუშავებენ საგანგებოდ დანიშნული მორიგე ჯგუფები, მობილიზებული იქნება ყველა საჭირო ტექნიკაც.

ცესკო, 31 ოქტომბერს, 08:30 საათიდან, რამდენიმე საათში ერთხელ საინფორმაციო ხასიათის ბრიფინგებს გამართავს

30 ოქტომბერი, 2020 , 12:45

ცენტრალური საარჩევნო კომისია, ამომრჩევლების და ყველა დაინტერესებული მხარის დროულად ინფორმირების მიზნით, 31 ოქტომბერს 08:30 საათიდან რამდენიმე საათში ერთხელ საინფორმაციო ხასიათის ბრიფინგებს გამართავს. ცესკოს ინფორმაციით,

„დაზოგვის მსოფლიო დღე“ საქართველოში წელს მეცხრედ აღინიშნება

30 ოქტომბერი, 2020 , 11:55

"დაზოგვის მსოფლიო დღე" მრავალ ქვეყანაში ყოველწლიურად 31 ოქტომბერს აღინიშნება საქართველო ამ მასშტაბურ ღონისძიებას ტრადიციულად, წელსაც უერთდება,- ამის შესახებ “მედიანიუსს“ საქართველოს ეროვნული ბანკიდან აცნ

კორონავირუსის 1 696 შემთხვევიდან, 683 შემთხვევა თბილისში გამოვლინდა, 381 კი აჭარაში

30 ოქტომბერი, 2020 , 11:55

კორონავირუსის 1 696 შემთხვევიდან, თბილისში 683 შემთხვევა გამოვლინდა, აჭარაში - 381, იმერეთში - 313. ამის შესახებ საქართველოს მთავრობის ადმინისტრაციის უფროსმა ნათია მეზვრიშვილმა, მთავრობის ადმინისტრაციაში გამართულ ბრიფინგ