სამართალი
სახალხო დამცველის აპარატი ლაშა თორდიაზე თავდასხმის ფაქტის შესწავლას იწყებს
სახალხო დამცველის აპარატი ლაშა თორდიაზე თავდასხმის ფაქტის შესწავლას იწყებს.
უჩა ნანუაშვილის განცხადებით, აღნიშნული საქმის გამოძიება საგამოძიებო უწყებებისთვის ერთგვარი ტესტი იქნება.
"ჩვენ დავაკვირდებით გამოძიების მიმდინარეობას. იმედი მაქვს, საგამოძიებო ორგანოები ამჯერად მაინც მოახდენენ ადეკვატურ რეაგირებას და დროულად გამოიძიებენ ამ საქმეს, მით უფრო, როდესაც არსებობს მაღალი საზოგადოებრივი ინტერესი. ბოლო პერიოდში საკმაოდ დაგროვდა მსგავსი თავდასხმების გამოუძიებელი საქმეები კონკრეტულ თანამდებობის პირებსა თუ პოლიტიკურ ფიგურების მიმართ", - აღნიშნა ნანუაშვილმა.
მისი თქმით, აუდიტის სამსახურის უფროსზე თავდასხმის ფაქტთან დაკავშირებით სახალხო დამცველს ჯერ არ აქვს რაიმე მკაფიო და ცალსახა შეფასება. იგი იმედს გამოთქვამს, რომ უახლოეს მომავალში საქმესთან დაკავშირებით არაერთი ახალი დეტალი გახდება ცნობილი და ფაქტთან დაკავშირებული ყველა პირი დაიკითხება.