საზოგადოება

სახალხო დამცველის აპარატი მის კუთვნილ „მერსედეს GLA“ -ის აუციონზე ყიდის

სახალხო დამცველის აპარატმა მის კუთვნილ ავტომანქანა „მერსედეს-ბენსზე“(GLA) უარი თქვა. ნინო ლომჯარიას განმარტებით, მანქანა გადაეცა ფინანსთა სამინისტროს მომსახურების სააგენტოს, რომელიც მას აუციონის წესით გაყიდის.

აუციონიდან მიღებული თანხა ცენტრალურ ბიუჯეტს დაუბრუნდება.

„ჩემ მიერ 21 დეკემბერს მიღებული გადაწყვტილებით, აღნიშნული ავტომანქანა გადაეცა ფინანსთა სამინისტროს მომსახურების სააგენტოს, რომელიც, აუქციონის წესით გაასხვისებს და შესაბამისად მიღებულ თანხას დააბრუნებს სახელმწიფო ბიუჯეტში. ამ გადაწყვეტილების მიღების საფუძველი გახდა ის, რომ ვერ ვხედავ აღნიშნული კლასის და მოდელის ავტომანქანის ყოლის საჭიროებას სახალხო დამცველის აპარატისთვის და გარდა ამისა, ყოველთვის იზრდება მისი შენახვის ხარჯები, რაც გაუმართლებლად აზარალებს ჩვენს ბიუჯეტს“, - განმარტა ომბუდსმენმა.

„მერსედეს GLA“ სახალხო დამცველის აპარატმა 2016 წელს შეიძინა.

ანა მებურიშვილი