კომენტარი

სახალხო დამცველის თანამდებობაზე იმ კანდიდატებს განვიხილავთ, რომელიც არასამთავრობო სექტორმა წარმოადგინა - არჩილ თალაკვაძე

საპარლამენტო უმრავლესობის ლიდერის არჩილ თალაკვაძის განცხადებით, სახალხო დამცველის თანამდებობაზე იქნება განხილული ის კანდიდატები, რომლესაც არასამთავრობო სექტორმა წარადგინა.

თალაკვაძის შეფასებით, ომბუდსმენი საპარლამენტო კონტროლის ერთ-ერთი მნიშნელოვანი ინსტიტუტია.

„ჩვენ კანდიდატურის შერჩევას და მის დამტკიცებას განსაკუთრებული ყურადღებით ვეკიდებით. მივესალმებით, რომ სამოქალაქო სექტორსა და პარლამენტს შორის ამ საკითხზე დიალოგი შედგა. პარლამენტის თავმჯდომარე არასამთავრობო ორგანიზაციებს შეხვდა. მათ ნამდვილად ძლიერი კანდიდატები დაასახელეს. პარასკევს უმრავლესობის სხდომა გაიმართება, სადაც ჩვენ კანდიდატურებთან დაკავშირებით ვიმსჯელებთ. ასევე არ გამოვრიცხავ, რომ საპარლამენტო უმრავლესობის ფრაქციებს ან საინიციატივო ჯგუფებს ჰყავდეთ სხვა კანდიდატები. შეხვედრაზე ჩვენ შევძლებთ შევჯერდეთ ერთ კანდიდატურასთან დაკავშირებით.სახალხო დამცველის თანამდებობაზე ჩვენ იმ კანდიდატებს განვიხილავთ, რომელიც არასამთავრობო სექტორმა წარმოადგინა“,-აღნიშნა საპარლამენტო უმრავლესობის ლიდერმა..

არასამთავრობო სექტორი პარლამენტს ომბუდსმენის პოსტზე ასარჩევად ანა ნაცვლიშვილის, ნინო ლომჯარიას, ზვიად ქორიძის და ვახუშტი მენაბდის კანდიდატურებს სთავაზობს.

მონიკა დავლიანიძე