უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
არქივი
საზოგადოება
სახალხო დამცველის ცხელი ხაზი ერთი წლისაა
ომბუდსმენმა უჩა ნანუაშვილმა სახალხო დამცველის ცხელი ხაზის მუშაობის ერთი წლის იუბილესთან დაკავშირებით, აქცია გამართა და მოსახლეობას ცხელი ხაზის საქმიანობის ამსახველი საინფორმაციო ფლაერები დაურიგა. ასევე, სოციალურ ქსელებში გავრცელდა ამ დღესთან დაკავშირებით მომზადებული ვიდეოკლიპი.
სახალხო დამცველის აპარატის ინფორმაციით, ცხელი ხაზი ნომრით - 14–81 ადამიანის უფლებების დარღვევის შესახებ ინფორმაციას საქართველოს ნებისმიერი კუთხიდან 24 საათის განმავლობაში იღებს და მოქმედებს კანონით მინიჭებული მანდატის ფარგლებში.
,,ცხელი ხაზის ეფექტური ფუნქციონირებას უზრუნველყოფენ ოპერატორები და სწრაფი რეაგირების ჯგუფი, რომლის შემადგენლობაში საქართველოს სახალხო დამცველის აპარატის რწმუნებით აღჭურვილი თანამშრომლები შედიან.
რეაგირების ჯგუფი შემთხვევის ადგილზე გადის მხოლოდ თბილისის მასშტაბით, ასევე არასამუშაო საათებში, დასვენებისა და უქმე დღეებში, იმ შემთხვევაში თუ სახელმწიფო (საჯარო) დაწესებულებების/ორგანოების მხრიდან: პირს ემუქრება სიცოცხლის მოსპობისა თუ ჯანმრთელობის დაზიანების საფრთხე; პირი დაექვემდებარა უკანონო დაკავებას, დაპატიმრებას თუ თავისუფლების სხვაგვარად შეზღუდვას; ადგილი აქვს ოჯახში ძალადობას და სამართალდამცავი ორგანოები არ რეაგირებენ სათანადოდ; ადგილი აქვს მოქმედი კანონმდებლობით გარანტირებული ადამიანის უფლებათა და თავისუფლებათა სხვა დარღვევებს“, - ნათქვამია განცხადებაში.
ომბუდსმენის აპარატის ცნობით, 2015 წლის ნოემბრიდან 2016 წლის სექტემბრის ჩათვლით ცხელ ხაზზე შემოსული სატელეფონო ზარების საფუძველზე შედგა 294 სატელეფონო ოქმი, ხოლო თბილისის მასშტაბით რეაგირების ჯგუფი 95 ფაქტთან დაკავშირებით გავიდა შემთხვევის ადგილზე.
ცხელი ხაზზე დარეკვა შესაძლებელია როგორც საქალაქო, ასევე მობილური ოპერატორების ნომრებიდან. მობილური ოპერატორების ნომრიდან დარეკვის შემთხვევაში 1 წუთის ღირებულება 6 თეთრია, ხოლო საქალაქო ტელეფონიდან დარეკვა უფასოა.
მარი ნამგალაძე