უკან

საზოგადოება

10 იანვარი, 2018 14:55
font-size

სახალხო დამცველმა ნინო ლომჯარიამ მოადგილეები წარადგინა

სახალხო დამცველმა ნინო ლომჯარიამ დღევანდელ პრესკონფერენციაზე საკუთარი მოადგილეები წარადგინა. ომბუდსმენის პირველი მოადგილე თამარ გვარამაძე, ხოლო მოადგილეები გიორგი ბურჯანაძე და ეკა სხილაძე იქნებიან.

მან მადლობა გადაუხადა წინა ხელმძღვანელობას. ლომჯარიას თქმით, სახალხო დამცველის საქმიანობა ბევრი მიმართულებით გაძლიერდა.

„გაძლიერდა ბევრი მიმართულება, მათ შორის, რეგიონული მიმართულებები და რა თქმა უნდა, ძალიან მნიშვნელოვანი იყო მათი წვლილი სახალხო დამცველის საქმიანობის გაძლიერებისა და რეპუტაციის ამაღლების მიმართულებით. თუმცა, რა თქმა უნდა, მე მაქვს ჩემი ხედვები აპარატის საქმიანობასთან სტრატეგიული მიმართულებებით და ვფიქრობ, რომ სწორედ ამ გუნდთან ერთად შევძლებ ახალი გამოწვევებისა და ახალი ხედვების განხორციელებას“, - განაცხადა სახალხო დამცველმა.

ნინო ლომჯარიას პირველი მოადგილე თამარ გვარამაძე კანონის მიხედვით, ასევე უხელმძღვანელებს ადმინისტრაციას.

„მას აქვს მდიდარი გამოცდილება არაერთი მიმართულებით, მათ შორის, ადამიანის უფლებათა დაცვის, ასევე მენეჯმენტისა და აკადემიური საქმიანობის მიმართულებით. თამარ გვარამაძე არის თსუ-ის სამართლის დოქტორი და ასოცირებული პროფესორი. იგი არის პროფესიით იურისტი. მას უმუშავია, როგორც ადამიანის უფლებათ დაცვის ადვოკატს რამდენიმე წლის განმავლობაში და მისი მონაწილეობით და ჩართულობით, ასობით ადამიანის უფლების დაცვა მოხდა“, - აღნიშნა ლომჯარიამ.

ერთ-ერთ მოადგილედ ნინო ლომჯარიამ გიორგი ბურჯანაძე წარადგინა, რომელიც წლების განმავლობაში მუშაობდა ახალგაზრდა იურისტთა ასოციაციაში და ფონდ „ღია საზოგადოება საქართველოში“. ლომჯარიას განცხადებით, გიორგი ბურჯანაძეს აქვს აკადემიური მიმართულებით წარმატებული გამოცდილება თავისუფალ და აგრარულ უნივერისტეტებში.

გარდა ამისა, მოადგილის თანამდებობა შეინარჩუნა ეკა სხილაძემ. ლომჯარიას თქმით, სხილაძე 2013 წლიდან მუშაობს სახალხო დამცველის აპარატში, ის იკავებდა მოადგილის პოზიციას.

„მას აქვს ძალიან წარმატებული გამოცდილება და შედეგები იმ მიმართულებით, რა მიმართულებითაც მუშაობდა, ვფიქრობ, რომ მნიშვნელოვანი იქნება სახალხო დამცველისთვის შენარჩუნდეს მისი გამოცდილება და ამ მიმართულებით დაგვეხმაროს საკითხების და პრობლემების წამოწევაში“, - განაცხადა ლომჯარიამ.

ნატო ჩხეიძე: გვარზე ხტომა ადვილია, სხვის ღირსებაზე და მით უფრო ქვეყნის ღირსებაზე გადახტომა ძნელია, ამიტომაც ვერ დაიძახებენ ივანიშვილები ჰოპლას

7 მარტი, 2021 , 23:17

ივანიშვილისა და მისი ბიჭების ძალადობა და თავგასულობა ამ ორი წლის წინ ასეთივე ჩანაწერებით იხილ-ისმინა მთელმა ქვეყანამ, - ამის შესახებ მოძრაობა „სახელმწიფო ხალხისთვის“ ლიდერი ნატო ჩხეიძე სოციალურ ქსელში წერს. &

“ქართული ოცნება“ გავრცელებულ აუდიო ჩანაწერთან დაკავშირებით განცხადებას ავრცელებს

7 მარტი, 2021 , 21:02

“ქართული ოცნება - დემოკრატიული საქართველო“ გავრცელებულ აუდიო ჩანაწერთან დაკავშირებით განცხადებას ავრცელებს. „გუშინ, ერთ-ერთი პარტიული ტელევიზიის ეთერში საზოგადოებამ იხილა და მოისმინა 2010-2011 წლების უკ

თუ შეურაცხგვყოფენ, დავითმინოთ, თუ საზოგადო საქმე ზიანდება, შევეწინაააღმდეგოთ – მეუფე შიო

7 მარტი, 2021 , 17:38

როდესაც შეურაცხგვყოფენ, დავითმინოთ ეს პირადი შეურაცხყოფა და ვილოცოთ ჩვენი მაწყენართა და შეურაცხმყოფელთათვის, – ამის შესახებ პატრიარქის მოსაყდრე შიო მუჯირმა ქადაგებისას ბრძანა. „როდესაც შეურაცხგვყოფენ, დავითმი

ბერამ არასასურველი კომენტარისთვის 2013 წელს ჯერონიმო და 4 მენტი მომიგზავნა - მუსიკოსი

7 მარტი, 2021 , 16:44

ბერა ივანიშვილის მხრიდან მისთვის არასასურველი კომენტარის გამო მუქარასა და დაშინების მცდელობაზე ლაპარაკობს მუსიკოსი სანდრო სულაქველიძე. "ეტყობა, ვინმე ანზორი უეჭველი უნდა იყოს სადამსჯელო ოპერაციაში ჩართული :)) მე ჯერ ტელე

„ამ ბოროტების შემქმნელი არის ეს კაცი, ბიძინა ივანიშვილი, რუსი ოლიგარქი“ - ბიძინა ივანიშვილის რეზიდენციასთან აქცია მიმდინარეობს

7 მარტი, 2021 , 15:24

სამოქალაქო აქტივისტები, რომლებიც 3 თვეა კარვებში ღამეს ათევენ და ვადამდელ არჩევნებს მოითხოვენ, ბიძინა ივანიშვილის შუშის სასახლესთან აქციას მართავენ. აქტივისტები პრემიერმინისტრ ირაკლი ღარიბაშვილის გადადგომასა და ვადამდელ

„შეაგინე ბერას“ - კანცელარიასთან აქცია დაიგეგმა

7 მარტი, 2021 , 12:16

„შეაგინე ბერას“ - სოციალურ ქსელში, მთავრობის კანცელარიასთან,  აქცია დაიგეგმა. აქცია დღეს, 18:00 საათზე დაიწყება. აქციის ჩანიშვნის მიზეზი ტვ პირველის ეთერში გასული სატელეფონო ჩანაწერებია. ტ